雖然11點先响住宿度食咗個早餐，但係為咗應付去博物館嘅考驗，決定再食多個簡餐。行行吓，見到有間做 Burger 嘅小店，有 Irish Beef, Angus Beef 咁，決定買個 Chicken Burger 試吓，都係麻麻地啫。
食完嘢，去電車站，見到 KFC, 係全名串晒出嚟，我諗無乜邊度可以見到呢個牌。
噚日經過 Royal Palace, 想好好哋咁影幅相，但係前面又有 Event 攪緊加埋背光，唔係好影到，今日好好多。
吸引到我嘅地方，其實就係上面嘅銅像，好有希臘神話 Feel
搭車到咗，好多人排隊，乜咁多人對梵高有興趣?!
入面唔俾影相，撇除畫風呢啲好似我嘅外行人嚟講，我只係欣賞到佢點樣可以用粗筆去畫好似人面咁仔細嘅地方，重要係無違和感。一行就行咗個幾鐘，比想像時間短，不過都已經好攰。
影唔到畫，就影吓啲金句
我可以對梵高講，呢兩個月，都真係去咗好多博物館，合格嗎?
無聊之作
回程途中，見到有人响街度一個人打網球，見幾得意，影底佢先
返到車站，買落鹿特丹嘅車飛，再買去巴黎嘅車飛。點知張鹿特丹嘅飛唔係快車飛，要再補錢嘅，但自動售賣機又剩係可以攪今日嘅飛，睇嚟聽日食午飯前要嚟一轉先。 攪掂晒，又搵食，見到有早餐食，就嗌咗個 Dutch Breakfast. 本來都係多士還多士，芝士還芝士，火腿還火腿咁食，但食落唔係太對跟，多士就已經食晒無得救，但係蛋、芝士同火腿重健在，於是試吓唔同 Combination. 火腿加芝士又太咸，但火腿蛋加芝士就掂晒，可惜已經食晒。
食完返歸，原來搭咗咁多次船，都未同佢影過相
內籠
船前同船後係一樣
睇吓今晚可唔可以睇星，決定响碼頭附近嘅海濱長廊搵地方影
遙望中央車站
原來呢度有個花園
有人釣金，好似有魚上釣添
好大條魚，好尖嘅牙
海濱長廊全景
海濱長廊民居嘅前園同後園
再去超級市場買少少嘢食，準備聽日嘅行程。返到房，執嘢，寫嘢，Upload 相，咦! 攪攪吓都差唔多12點，出去睇吓睇唔睇到星先。
帶晒腳架相機咁，點知街燈好光之餘，重好多雲，今晚似乎唔係睇星嘅日子，影咗一兩張相就返房休息。
No comments:
Post a Comment