人生之旅 - Day 30

嚟咗英國一個月，已經適應咗呢邊嘅生活，每日都接到幾間 Job Agent 嘅 Cold Call. 好多都知我大概要乜，係噚日有個打嚟，話我人工要求得太高，又懶係要我講啲好 Detail, 但又唔知我講緊乜，依家諗落都㷫。

Phone Interview 一個禮拜有幾個咁，有順利嘅亦有唔順利嘅，唔順利嘅就算去到 Office 見工都唔會順利，順利嘅憑直覺會覺得中。

今日，本來想瞓個晏覺，但瞓之前，個 Crawley 份工嘅 Agent 話要改遲半個鐘見 (其實係件好事，因為遲半個鐘嗰班車係非繁忙時間，火車飛平4磅 $_$)，同時亦都做咗少少 Interviewer 嘅 Briefing. 聽完之後有少少緊張，有少少驚自己嘅表現唔好，跟住就唔想再瞓。過咗一陣，另一間 Agent 話間 Consultancy Firm 想請我，睇吓我意見點，直覺上我入去做可能做唔長。始終又係做返 Consultancy, 同香港做嘅嘢無乜大唔同，只好同佢講話等埋聽日個 Interview 完咗先再傾。

聽日見完，都未知請唔請，但係好鐘意份工，咁就型成咗一個好經典嘅心理學問題，究竟要 Sure Gain 定係要 Risk Taking? 一條兩難嘅問題，聽日究竟點答個 Consultancy Firm 好呢? 依家無答案。我諗唯一可以做嘅，就係聽日表現好自己，如果道氣可以出到嚟嘅，咁就係一個 No Brainer 嘅選擇。

暫時值得開心嘅，係咁快就有人請。希望今晚瞓得著! 呢兩日將要發生嘅事實在太多，之後就剩係得返最後一步: 搵屋。