人生之旅 - Day -6

終於可以瞓到一覺好嘅，下晝約咗舊同事們一起吃飯，之後去剪咗個頭髮。本來諗住去買褲，但最後諗起今晚會順路經過而暫時擱置。差不多時間，拎咗幅洗牌機俾師弟，先出發去銅鑼灣買褲，再去北角大熱高湯麵。

今晚約嘅係第一間公司嘅同事，當中我係最細嘅一個，雖然只係一齊工作咗一年零一個月，但係大家都可以開懷說笑嘅伙伴。食完飯，做媽媽嘅要返屋企，留低一批佬响度，一起搵糖水吃。同前輩傾計，傾到寫 App 嘅思維，大家都覺得經驗會變成顧累，或者要寫 App 嘅話，真係要一班後生仔橫衝直撞先做到。