今次係第二次去睇呢個 Show, 不同嘅表演者表演著不同嘅魔術。中場休息，有魔術師走埋嚟表演，手法一流唔再講，佢重要表演一個我知點變嘅整彎銀仔嘅魔術，呀~ 點變㗎?! 件道具收咗响邊呀? 點解嘅!? 點解嘅!? 點解嘅!? 跟住因為今次係今期最後一次，所以 Harry 哥哥派朱氏魔術嘅道具，唔知係乜嘢嚟，重未得閒玩。
朱氏魔術出名嘅魔術道具店，聞說澳門店榮休，所以 Harry 哥哥去咗尋寶。其中一個就係呢個斷頭台，重搵咗一個法個人上嚟玩。
跟住就到我表演喇... 係被人請咗上去幫手玩 Cold Reading, 不過我就唔覺意咁發咗個白日夢，攪到個表演嘅 Tempo 亂咗少少，魔術師亦估錯咗張啤牌，當大家以為佢失敗之際，佢又變返張啱嘅出嚟，好正!
如常地，今晚係高棚滿座，過埋今晚，就要等到十月尾再有機會欣賞咁出色嘅表演了
No comments:
Post a Comment