個早晨全餐好掂，首先杯橙汁唔似香港咁丁咁大杯。二來個炒蛋唔會炒得好老，有蛋汁㗎! 塊豬柳亦都好 Juicy, 點解個早晨全餐可以咁好食㗎?!
張餐紙雖然唔知佢寫乜，但個感覺好好。
臨走嘅時候，個難提就出現，因為日本啲垃圾分類分得好仔細，啲刀叉紙杯都唔知點掉好，唯有靠常識，希望無分錯類。
麥記對面有間影音舖，好多嘢睇。
隨咗相機、腳架，樓梯中重有好多作品供參考
時間不多，去巴士站。因為無預約到，所以要入 Waiting List. 睇吓有無剩位。好彩地有位剩，執到死雞，唔駛撘火車。因為火車一來貴，二來要搭多成個鐘車，噚日班機 Delay 已經無咗好多時間，唔想再嘥時間放响交通度。
响車上面，坐隔籬嘅係一個泰國嘅老太太，傾咗一陣偈，之後就瞌咗一陣。過咗唔知幾耐，開始見到富士山，比想像中宏偉，無嚟錯了
到咗河口湖，要搭一程巴士去酒店，因為本應係前一日 Check-in, 所以唔駛等到三點先有房。不過佢俾咗間睇唔到富士山嘅房我，咁都唔緊要，最麻煩嘅係間房係 Smoking Room 嚟，好臭。但間酒店已經 Full 咗，無計，只可以開窗同噴嗰啲除味劑減弱啲煙味。
呢一日天陰陰，有少少雨天氣唔太好，還好雲層偏高，見得到成坐山。
放好行李，又搭返出去火車站，問下點去忍野八海，再去食 Lunch. 已經兩點幾，火車站附近其實都無咩好食，於是就求其走咗去一間食店，嗌咗個安全嘅親子飯。等咗半個鐘，個飯先咗到，為咗坐三點鐘嗰班巴士，就好快咁解決咗佢。
食完飯，剛剛好有去忍野八海嘅巴士，大慨半個鐘就到，風景唔錯。所謂八海，其實就只係八個水池，無乜特別。
附近有條河仔，河兩岸有開滿咗嘅櫻花，重有人 Cosplay 緊唔知乜嘢角色
行過睇過，打算去山中湖睇吓，就走咗出忍野村，村外有個神社，巴士站就响隔籬
上到巴士，有張巴士嘅整理券，落車嘅時候就係睇返個號碼俾錢
去山中湖途中經過花之都公園，睇相幾好睇，但呢一刻就未有花睇，所以 Skip 咗無落車
去到山中湖，好明顯荒蕪過河口湖，湖上有鵝，真嘅同假嘅都有
沙灘上除咗人嘅腳印，重有鵝嘅腳印
個山中湖就係得咁多，無乜嘢睇，影咗幾張相就係就閃
坐車返到河口湖火車站，唔係好肚餓但又好想食嘢，尤其係又凍又甜嘅嘢，即係雪糕。食完好滿足，可以出發返酒店了。
因為已經無車，所以要行返去，重要係天黑嘅情況下行返去，只可以靠僅餘嘅記憶，再加大神指路。响中途驚返到酒店無口㾗，於是就係便利店買咗個杯麵。
行咗半個幾鐘，終於到酒店，放底晒背囊，就去咗酒店隔籬間餐廳。唔... 似乎唔太啱口味添，但呢一刻，無得揀，就嗌咗個信玄乜乜鍋，所正佢講到話個大將軍都係食佢，一試無妨。點知嚟到好大一碗，唔... 個杯麵似乎係多餘。
不過反正買咗杯麵，又唔想聽日帶住佢返東京，再夜少少個肚有空位嘅時候就解決咗佢。因為其實唔係餓或者口㾗而食，所以雖然好重料，但好似無嗰種食完好滿足嘅感覺。
食完麵，就準備好第二日嘅行程。
No comments:
Post a Comment