得意忘形

話說政府會資助去學踩單車，雖然之前學過，不過時代久遠，上次去 Bruges 嗰陣發現完全唔記得晒，可以趁今次機會學多一次。

唔使十分鐘，就已經返晒嚟，個心亦都雄起上嚟，於是就夠膽踩快咗啲，咁就出事。一個唔覺意失控，跌咗落地，手掌落地，成塊皮起咗出嚟。

教練做咗個初步包紮，返到屋企再包多次，但手掌嘅血係咁滲出嚟，幾個鐘後 Call 咗 111, 被建議去睇急症。

去到醫院急症室，登記好後，十五分鐘左右就有醫生睇，重以為要等好耐，水同外置電池都準備好，似乎用唔著了。

醫生話因為成塊皮起咗，所以傷勢等同二級燒傷，洗傷口同包紮係痛，但係醫生好風趣，個過程唔難受。


教訓嘛，唔好踩咁快，同埋要戴手套。