點解會咁嘅?

魔術係 Art of Deception, 亦係娛樂，所以魔術係呈現講求 Showmanship. By definition, Showmanship 係 skill in making people feel entertained.

做魔術 Show, 現場又好，電視又係，製作團隊極為重要，要成 Team 人都有 Showmanship. 除非藝人自己甘心將自己定位為花瓶，剩係識講「點解會咁嘅?」好明顯無 Showmanship.

一個魔術，簡單嚟講又三個步驟: 展示、施法、呈現

展示一件普通嘅物件，做幾個手勢去施法，呈現令觀眾驚歎嘅效果。展示嘅物件越普通越日常，之後嘅呈現出嚟嘅效果越大，施法過程亦要講求邏輯，令觀眾信服。一個好嘅魔術師可以將幾個魔術效果串連個一套表演，而每個效果呈現都係下一個效果嘅展示，咁 drama 就可以層層遞進上去，最後嘅呈現就好似煙花嘅最後一幕咁，帶俾觀眾難忘嘅體驗。

台灣嘅製作團隊，可以捧紅一個劉謙上到大陸春晚，身價可以幾何級數咁升。魔術節目做媒唔係問題，但正如《喜劇之王》嘅對白咁講:「精神啲，臨時演員都係演員嚟!」，專業少少唔該。而且，明知响街睇入嚟會穿崩，除咗藝人之外，成個團隊都好有問題囉! 製作團隊無 Showmanship, 俾人篤嘅咗 making of 出嚟，唔好問點解。

香港人要欣賞呢啲魔術，又或者，呢啲都配稱做魔術節目? 似錄緊魔術大揭秘多囉...

團隊做得好，係可以玩成咁: