千騙萬化

一向好鐘意睇啲呃呃氹氹用腦嘅戲，呢套戲嘅中文名對我嚟講好 Eye catching. 於是就計劃咗今日去 Fulham (好想譯做富臨，不過係香港一間酒家嘅名，都係唔好令大家誤會)睇，睇嘅係12點半場，貪佢有字幕。

去到戲院買飛，哈! 我係第一個買，座位任揀，揀咗個好位，離開場重有一個鐘，週圍行吓。記得附近好似有個球場，𥄫吓都好。係車仔嘅球場，會色係藍色，同天空嘅藍色好襯，隨手就影咗相到此一遊。


由球場兜返出馬路，行吓超級市場，行吓運動服裝舖，又行吓建康食品舖，一個鐘話咁快就用晒，返去戲院先。

15分鐘廣告，加15分鐘 Trailer, 終於開場。基本上套戲同睇 Derren Brown 嘅節目差不多(係讚許嚟)，只係多咗劇情同愛情原素。


要俾分嘅話，劇情唔差，騙術效果佳，Happy Ending, 時間剛剛好唔太長，100分俾80分。