謊言 - Part 2

旅行嘅最後一晚，同團友們出街食飯，佢哋有佢哋傾計，我就同人開戰，呢個人係一位大學同系嘅同學，當最都玩得幾埋，說著說著，就 Send 咗一幅 cap 圖，話係佢嘅細佬嘅朋友親手寫嘅。係嘅，唔係朋友嘅朋友嘅朋友已經好好，但我都不忘叫佢確定事件嘅真確性，佢亦都話佢可以 Authenticate 呢位細佬朋友嘅身份。

無論呢件事嘅真碓性如何，都帶出緊急車輛係的確有機會要用到被佔領嘅地方呢個問題，人命尤關，就算係假嘅都要有 Preventive Measure, 所以就 Share 咗出嚟，就瞓咗。

與其話瞓咗，不如話係小睡，因為唔夠三個鐘又醒咗。去過洗手間，再睇睇事態發展，當見到有朋友 Update 話件事係假嘅時候，第一個感覺係信錯人，被騙嘅感覺並唔好受，但隨之而嚟嘅，係有少少放下心頭大石嘅感覺，因為個運動無令到一個寶貴嘅生命離開人間。但放心唔落嘅係未有 Preventive Measure, 經朋友講出現場情況後，亦都解開咗心解，叫大學同學睇返我嘅 Status, 再 Update 過 Status, 可以去瞓。呢晚係瞓得最好嘅一晚，打開眼嘅時間已經差唔多九點。

再上 Facebook, 見到誠意嘅道歉，我只係留一句叫佢細佬慎交朋友了事。其實我無嬲到呢位大學同學，縱然係立場不同，大家可以去討論，只係一個謠言，對成件事無幫助，亦都損害咗自己嘅可信性，有乜謂? 問題已經夠多，做乜要製造更多嘅問題? 只係將是非題變成水平嘅問題，係好難討論落去。

結果係似乎有唔少人同我嘅諗法一樣，經過呢件事，大家已經有足夠嘅 Awareness, 已經係好好嘅結局。我唔選擇去 Unfriend 任何人，係因為知道有足夠 Information 嘅重要性，有時係會眼冤，但人係識好啱咁自動 Skip 咗，只不過對方嘅一啲事，可以題醒我哋嘅不足，去完善整個運動。