《童話戀曲201314》終於大結局，整體感覺就好似一般10點左右收視嘅日劇，有故事性但不太 Surprise.
呢套劇主打為音樂歌舞劇，略嫌歌舞部份唔夠多，而且有一兩場跳舞嘅戲係比較兀突地出現，唔太 Fit 個劇情，唔知係咪剪接出事。
歌曲方面反而唔錯，太部份都係幾好聽，而且係屬於正能量系嘅歌曲，我鐘意。
至於戲嘛，我唔太在意演員嘅戲好唔好，當然女主角的確係生硬咗啲，但對我嚟講係一個小問題。
拍攝方法都有個小問題，有幾個鏡頭會出現輕微嘅晃動，唔知係啲 Gear 嘅問題定係專登咁拍法。
景嗰方面，好大部份係中上環取景，對於一個熟悉上環嘅人嚟講，會在意場戲响邊度拍，樓梯街、必列者士街、太平山街，都係我讀小學時日日經過嘅地方，係睇唔出大威間餅舖究竟係邊條街拍，Anyway, 呢啲成份無意中添多咗啲趣味。當然，有時會見到啲 Mission Impossible, 即係一個動作轉個鏡頭就過咗幾廿個街口嗰啲。(不過見識過《那夜凌晨，我坐上了旺角開往大埔的紅VAN》啲人由大埔飛咗去西環之後，幾個街口係濕濕碎嘅事) By the way, 沖繩拍得真係好靚。
總括嚟講，係一部可以輕鬆煲完嘅劇集，不過我相信，如果有呢部戲嘅 Making of, 可能會好睇過部戲本身，始終係歌舞劇，一定係 Cut 走咗唔少排練嘅過程，所謂台上一分鐘，台下十年功，當中嘅汗水同埋故事性，一定不比套劇本身差，假如紀錄低每個演員嘅心路歷程，較果應該超正!
Subscribe to:
Post Comments (Atom)
Popular Posts
-
兩年前，梁禮勤响七月尾做埋最後一日嘅一切從音樂開始，離開咗商台。今年，又係七月尾，劉偉恆最埋最後一日嘅我恆我素，亦離開咗。亨恆勤從此成為絕響。其實只係今日無無聊用 google 想睇睇梁禮勤嘅近況，無耐，搵到嘅反而係劉偉恆離開商台嘅結果。 當年，剛剛由美國返嚟，有一晚無無聊聊聽到...
-
Communiation - 溝通 Community - 社區 Communism - 共產主義 三個唔同嘅字但字根都係嚟至於拉丁文 communis. Communis 可以再拆成 com- 同埋 unus. Com- 解「一齊」而 unus 解 「一」。 Communica...
-
香港，係搵錢嘅地方，攪政治，對不起，不論政府有幾不堪，都一樣坐响度推極都推唔郁。 當年，五十萬人上街，就係大家睇到無普選嘅後果，但今天，政府一樣管治無道，上街的人不過五萬。人有三種，先知先覺，後知後覺，不知不覺。香港人多數係第三類，唔見棺材，殺到埋身，都唔流眼淚。 香港人令我失望...
-
My friend and I bought Mario DDR together. Last Sunday, we gather with our friends to enjoy the game. I haven't play DDR since I was in ...
-
去做 gym 時見到蔚藍色嘅天空，即刻走去差相機電池，之後去數碼港，睇吓可唔可以影到日落。早到咗少少，太陽太光猛，影吓雲境，都唔錯。差唔多時間，六點八 set 好腳架，起動! 影咗成個鐘，差唔多八點，想收工之際，竟然見到北斗七星! 都有年幾無見囉，唯有留耐少少，影多半個鐘。想...
-
曾任權話國家廿年嚟嘅繁榮倡盛同改變，造福今日嘅香港。即係話香港人係靠六四先有今日，亦即係話香港人無用要靠北京政府接濟。
-
返咗嚟香港成個禮拜，但係個心依然掛住藍天白雲青山綠水嘅澳洲，今次放假實在太舒服! 呢個，係咪假後症候群嘅其中一個病癥?
-
响廣州，酒店上網無得上 Facebook, YouTube 等網頁，結果係每晚 12 點前就已經瞓著咗，跟住每朝 8 點 morning call 起身。真係正常到不得了。今日返到嚟香港，係咪會過返 D 唔正常嘅生活呢?
-
今日睇到一段 YouTube 片係講23種特別嘅動物，當中有一隻嘅名係叫 Pica (讀 Pie-ka), 個串法正正就係比卡超嘅頭兩個音，似乎就係比卡超嘅原型嚟。 以前就話開卷有益，今時今日，似乎就係開 YouTube 睇有益了。 話說噚晚同徒弟仔傾到「Google大神...
-
今日同人去睇攝影展，早咗少少到，响商場週圍行吓，行到差唔多夠鐘，到集合地點，人齊，出發。場地就响地鐵站對面，所以好快就到。攝影展介紹話有300張相，聽落好似好多，但其實好多都係大堆頭咁拼埋一齊，半個鐘左右就睇晒。不過最欣賞嘅係為咗配合主題「家」嘅感覺，有好多相都係貼咗响雪櫃上面。...
No comments:
Post a Comment