週末煲劇

好耐未睇過日劇，於是就決定呢個週未唔出街，留响屋企睇。呢一季嘅日劇好多都係 Season 2, 有 Hero, 有金田一、有 GTO, 有信長的主廚等等，於是就先睇 Hero, 其實無睇過第一季，只係聽聞係高收視之作，而平均今季都有廿點，應該唔會差得去邊。

可惜一路食嘢一路睇劇嘅時候，突然感覺到口中有硬物，但係我食緊嘅係軟淋淋嘅曲奇餅，心知不妙，响口中吐出嚟一睇，係牙齒同埋少少補牙嘅碎片，再照一照鏡，果然出咗事。好彩嘅只係表面碎裂，有感覺但係唔痛。


上網搵，附近有幾間牙醫，因為係星期六，得其中一間話開到一點，於是就換衫落街搵，搵到嘅時候，唔... 似乎個 website 有少少流，都無開嘅，唯有折返，繼續睇我嘅日劇了。返到屋企之餘亦都收到兩封信，其中一封係 Council Tax, 因為一個人住嘅關係，係可以有 25% Discount, 不過要人手申請。

Anyway, 就咁過咗個週末，因為太早起身嘅關係，亦都幾早就瞓咗...