佔中 反佔中

今日終於明白點解警察部門會剩係計維園嘅數字，閙劇上演咗。呢場鬧劇除咗係人數方面，亦都係警察方面，經過今次之後，我唔知警察下年可以點處理七一遊行，如果人數少過反佔中，係咪應該更寬鬆處理七一?

鬧劇中，TVB 有阿婆被問到知為乜嘢而遊行，Cable 亦都有問到小朋友乜嘢係中國嘅普選，佢哋唔知係好正常，因為可哋可以當佢哋都係無知嘅村民。但我保證，你問年年行七一嘅人爭取緊乜，佢哋會答爭取緊民主同普選。咁乜嘢係民主，乜嘢係普選呢? 真係一人一票咁簡單? 我只可以舉個簡單嘅例子，北韓金正恩係一人一票選出嚟。

有中國特式嘅社會主義，即係唔係社會主義。
有中國特式嘅普選，不解釋了。