英文

星期五晚，公司個電話響起嚟，原來唔知幾時 Mute 咗部手機，Forward 咗去公司度。喂的一聲，咦?! 鬼佬，係一間英國嘅 Agent, 話收到我份 Resume, 想問我幾個問題的說。自問英文唔係話好好，但普通對答係 OK 嘅，但係忽然之間轉 Channel, 佢又講得鬼咁快，一開始都反應唔切。經過十零句熱好身，漸入佳境，不過佢都係講得好快，完全唔留情面咁用機關槍掃射，好彩都答到佢問嘅問題，但佢講嗰啲嘅 Job Description 就唔係太清楚，剩係知道做 Consultancy, 公司係 Flat Hierarchy 咁，即係同香港嘅情況大同小異，係有時要去唔同地方做嘢，有機會一攪就攪一年的說。呢份工唔係話太吸引，人工係 OK, 只係唔想做同香港一樣嘅事，咁就違反咗離開香港嘅本意，不過用嚟做水泡亦唔係一件壞事。

今次表現嘛嘛，睇嚟，係時候準備份 Script 做呢啲 Interview, 費事再出醜。