跟住就過橋，本來想去歌劇院睇睇，但途中見到有上山嘅電車，諗起個有人題過山上風景唔錯，反正之前已經 Mark 咗做景點，於是就搭車上去。坐完普通電車，就要轉 Dolderbahn, Dolderbahn 同香港嘅䌫車差唔多，但就唔係用繩䌫驅動。
山上有個運動俱樂部，可以冬天可以溜冰，夏天可以游水
不過可以睇風景嘅地方不多，無遮無檔嘅地方唔多
重有間起到城堡咁嘅酒店
行咗一陣，都無乜特別嘢好睇，反正天氣好於是就決定去埋另一座叫 Uetliberg 嘅山，Dolderbahn 响 Zurich 嘅東面，Uetliberg 响 Zurich 嘅西面，第一件事係醫肚先。為咗要响日落之前去到，就去咗超級市場買咗個三文治，响火車上面食。
先搭電車去火車站，再轉專線上山。
沿途除咗經過 Google 嘅 Office 之外，都無乜風景，我能可坐嗰邊無啩。到咗總站，重要行一段斜路，因為座山都近900米，溫度略底之餘亦都有風，不過行行吓個人叫做暖返少少。之後就見到座塔，嘩! 上到去似乎真係如入無人之境，風景任影。
些塔為蘇黎世之巓也
一路俾風吹，一路行上去，都真係幾凍。上到去之後，完本毎天都陰陰哋，但特完其他遊客影嘅時候，又開始放返晴。不過真係好大風，影完就要閃返落去觀景台。
觀景台度奇怪地無乜風，只係啲樹同人都多咗啲，不過要有人，先可以叫到人幫手影相
相影得差唔多，於是又搭火車落返山，經過好多人嘅購物大街，入到超級市場原本只係想買果醬，但响熱食區度見到有半隻烤雞，反正晚餐未有著落，於是就買埋返 Apartment 食。
返到 Apartment, 一開個包裝，聞落好香，但食落，隻雞超鹹，完成佢只係唔想浪費，但唔會有下次...
食完晚餐，再執腳架影夜景，可惜無乜嘢好影，啲風又大，決定都係打道回府
一日就咁完結。
No comments:
Post a Comment