人生之旅 - Day 58

噚日本來想去 Notting Hill 嘅 Portobello Market, 點知一查個時間，原來噚日開半晝，於是就睇咗一陣如果去荷籣玩有咩好玩。差不多三點半，又唔想浪費咗咁好嘅陽光，於是就走咗出去附近嘅 Queen's Park 行吓。無聊之際，分別打咗俾徒弟仔同小師弟傾計，一傾就傾到差不多六點半。食過晚飯，開始計劃如果嚟緊呢一個月都搵唔到嘢做，睇吓可唔可以歐遊，反正再過多個月，我諗倫敦可以行嘅地方都可以行晒。由 Google 大神同 Excel 嘅協助下，結論係可行，但如果咁做，响聖誕就要結束旅程回歸了，實唔實行呢件事，就要睇自己嘅能耐。

今日洗完衫，食埋個午餐，真係可以去到 Portobello Market, 因為之前都去過 Notting Hill, 所以响巴士影咗少少想影嘅相


落咗車行一陣，好快就到市集


其實個市集無乜特別，可以講話好似嚤囉街，都係賣吓紀念品


舊嘢


同埋古著咁


可能加少少部份嘅鴨寮街


直至見到呢間舖


係海量嘅衣車


呢個位都幾盡頭吓，見到間種咗好多花嘅屋，忍唔住影咗佢


去到市集嘅另一邊，係普通嘅濕貨，同埋乾貨


不過乾貨同濕貨嘅攤位竟然會擺得咁近，有少少神奇


其他攤檔


再行過少少，就開始賣潮服


跟住，神奇嘅事情出現，紙箱人突然出現响睇前...


行過少少，又係另一個市集


賣嘅除咗衫，就係衫


跟住嗰啲攤位都係賣衫多，嘅舖頭都係食肆

係呢兩間就特別少少


回程途中，遇到一間 Gym, 設備都係咁，無乜特別。

走出返大馬路，又見到佢，似乎呢幅牆嘅都係同一個人嘅傑作


一個鐘左右就行完成個市集，唔係話好多嘢睇，如果由1到10, 我會俾5分。上車，再影相


今晚嘅雲境唔錯


Time Lapse 容後補上