於是就呢度 Click 吓嗰度 Click 吓咁，見到有 Device Manager, 又試吓叫佢 Locate 部手機，響吓個鈴聲咁。跟住神奇嘅事情就發生，個 Play Store 終於唔見咗啲簡體字 App, 而個 Currency 亦都變咗英磅。於是就 Download 咗 BBC 個 iPlayer, iTV 等等。跟住再攪埋個 Mobile Banking, 點知做 Activation 要去 ATM 做，無所謂，反正做 Gym 會經過。不過個 Gym 嘅時間大風又大雨，把縮骨遮似乎唔太得，報銷咗了，睇嚟要買把實正啲嘅至得。
呢日決定再去睇吓美術館，又係响奉晤士河旁邊，今次係 Tate Britain, 收藏咗500年嘅英國藝術作品的說
其實，呢間美術館算細，只係得一層做展覽，但係都行咗成兩個鐘。回程嘅時候，決定行去另一個地鐵站，途中經過幾年前去過嘅西敏寺、國會、大笨鐘一帶。其實本來想响一切安定好之後先帶齊啲裝備嚟影相，但呢一刻，只係可以用手機影，總之我一定會再返嚟影過。
返到去，Flatmate 話落吧喎，就湊吓熱鬧一齊出咗去，點知... 係去 Tower Bridge 嗰頭，另一個唔想咁早到嘅地方
去到酒吧，發現個耳筒唔見咗個膠塞，搵嚟搵去都搵唔到，不過 Flatmate 話可以去搵吓買過個 Replacement 喎，算啦... 本來想飲吓薑啤，貪佢無嗰陣唔鐘意嘅苦味，但 Flatmate 話可以試吓健力士喎，無咁苦，順少少嗰隻。於是就買咗杯細嘅嚟飲，雖然真係唔係太苦，但都係唔識太欣賞。之後兩個 Flatmate 就去咗隔籬枱聊女仔，計係傾到嘅，fb twitter email 嗰啲就無行喇...
No comments:
Post a Comment