人生之旅 - Day -26

上星期四唔知點解無任何約會，於是決定去買嘢。旅行要輕便，之前睇過一個 Blogger, 建議旅行用 Hom 嘅快乾內褲，又做個少少 Study, 話 Hom 嘅質料噤著，著幾年都唔會 wear, CK嗰啲無得比云云，於是就去咗 Sogo 嘅專門店一逛。見啲質地幾好咁，於是除咗快乾款，又買多咗平時著嘅。跟住又話二千蚊有9折，差二百蚊咁，又 Sell 一條好 colorful 嘅款式，但個人嚟講真係唔係好接受到，於是揀咗對襪就算數。最後因為折咗，所以都係加多9蚊就可以埋單，亦送咗兩個 Pack 衫袋。


返到屋企，原本諗住搵倫敦嘅酒店做暫時嘅居所，搵搵吓又想執去布吉嘅行李，點知執吓執吓，發現少咗樣好重要嘅嘢，就係本護照。於是就反轉咗成間房起勢咁搵，最後求救於母親大人，被人省咗一鑊之後，一齊去搵都係無結果，攪到三點幾先瞓。