睜開眼

RubberBand 嘅歌，我只係識《發現號》、《阿波羅》、《Easy》、同埋《睜開眼》，似乎都係抒情歌多過 Rock 歌，被我歸類為「啲歌好聽」嘅樂隊。 當佢哋被宣佈會响維穩 Show 演出，本來都無乜咁出奇，但有人話佢哋背叛咗揺滾精神，心裏一埋問號，乜佢哋係 Rock Band 咩? 暈...

接受咗自己孤陋寡聞嘅事實後，可以開始玩遊戲了，即係表演與辭演之間嘅決擇，經理人公司接 Show 嘅因由，同埋主辦者得對表演嘅安排。

藝人寧可接受形象損失都唔辭演，一係有龐大嘅壓力响背後，辭演會有佢哋承擔唔起嘅巨額賠償，又或者佢哋真係「偽人」，一邊在曹營，一邊心在漢了。經埋人犠牲一隊剛簽約無耐嘅樂隊而接 Show, 當中嘅利益輸送亦都唔細，所謂 "business is business" 是也。

如今，事情已經發展到 RubberBand 會捐 Show 錢，之後去遊行。 我係主辦單位，一於將所有香港樂隊做壓軸，再嚟多幾場 Encore, 一於到六點半七點先放你走。RubberBand 可以做嘅，咪唱多啲「好歌」，送俾主辦單位，又或者幫主辦單位响政府提出「訴求」囉! 經理人公司只好派人𥄫實啲仔唔好亂嚟。

至於 RubberBand 可唔可以說到做到，大家就好好咁睜開眼睇呢場 Show.