旺角行

話說响團購買咗 D 嘢，要去到旺角提貨，但無留意日子，上到去得個吉。橫豎到咗旺角，行吓老地方: Chic 之堡同信和。

Chic 之堡都好似幾年無去，似乎已經面目全非，全部都係賣潮服，動漫週邊已經唔見晒。

信和又係另一番景象，買日劇嘅幾乎失踪，行行吓見到忍者亂太郎真人版?! Hmmm... 唔知 PPS 又有無呢，唔買住，返屋企睇吓先。再行行吓，咦! HunterxHunter 嘅砌圖?! 日版紀念版只係百六蚊咋! 可惜無現金，似乎今日都係買唔到嘢。不如問吓個天，睇吓我出咗信和之後，見到 104 先定櫃員機先。

到最後 104 好快咁响面前出現咗，104 响左邊，櫃員機响右邊，唔使諗左轉飛奔上咗架 104。返到屋企，忍者亂太郎亦都响 PPS 睇埋。