血拼

自問唔係一個經常買嘢嘅人，但買親都唔少嘢。為咗一個月後嘅芬蘭之旅，落咗灣仔一趟，一為新相機，二為禦寒衣物。

相機為次，可以最後一個禮拜先買，所以只係預先格定價。

禦寒衣物，因為試過去冰雕展，唔想再試零下15度嗰種滋味，唔買唔得。走到入間鋪，本來只係想問保暖嘅內衣，但零度同零下度數個價錢已經差咗一趉。跟住本來買埋保暖嘅褲，原來有埋防水連面褲，輕身又方便。之後係鞋，最新科技，防風防水，為亞洲人度身訂造。最後係襪，最新運到，羊毛保暖同透氣的說。就係呢幾樣嘢，差唔多二千五，貴過部相機... 但可以輕裝上路，無價!

而且天文台話今年會特別凍，咪當買定先。