英法之旅 - 序

本來呢個旅程係去紐西蘭滑雪，但係個 Travel Agent hea 咗我成幾個月，咁啱師弟話要放假，想去歐洲云云，不如就交俾師弟攪。成個 planning 就只係上咗去佢屋企傾咗一晚，一個禮拜多少少就攪掂埋機票。

第一件買咗嘅係部新 Netbook, 舊嗰部响新嗰部買咗無耐後壞咗，天意。
但係絕大部份嘅事都係今個禮拜先攪掂，買新相機 (天意?)，攪 3G 手指 Roaming (俾北京之旅啟發)，買英磅、歐羅，買 Netbook 套，攪國車牌 (雖然唔知有無用)，訂 The Phantom of the Opera 嘅飛 (可以訂到頭十行，不過係下晝)，好彩呢排都係見灣仔客，可以順路攪埋 (又係天意?!)

原來一切唔响自己掌握，其實唔係咁差。