失策

去尖東影 time lapse, 本來一切安好，點知原來今日係熄燈兩個鐘? 正當猶疑緊部相機頂唔頂到咁耐之際，真係停咗影相。乜我無較細個 resolution 咩... 明明較咗格... 點會咁㗎... 就咁提早收工。每張相都係用咗 3456 x 2592 影，真係超級高清...



P.S.: 海邊大風，好涼。但一離開，又濕又熱，D 汗流過不停，夏至果然不同凡響。
P.P.S.: 今日多雲，最後都係一粒星都見唔到，但依眼所見，就算無雲嘅區域，都係搵唔到星。香港嘅市區，真係再睇唔到星。