香港，係搵錢嘅地方，攪政治，對不起，不論政府有幾不堪，都一樣坐响度推極都推唔郁。
當年，五十萬人上街，就係大家睇到無普選嘅後果，但今天，政府一樣管治無道，上街的人不過五萬。人有三種，先知先覺，後知後覺，不知不覺。香港人多數係第三類，唔見棺材，殺到埋身，都唔流眼淚。
香港人令我失望，你哋嘅奴性，令你哋自己覺得不配有民主，令你哋唔去爭取。2012 無，都唔好寄望 2017 有，去到 2047 都好，亦唔會有，呢 D 係自作孽。
如果香港人重想有民主，請响今年九月選舉，認清認楚邊 D 係建制派，邊 D 係民主派。參加小圈子選舉 (功能組別) 嘅黨一定唔係，支持過副局長、政治助理撥款嘅都唔係，支持中央拍板嘅民主時間表嘅直情係民主大反派!
3 comments:
今年又唔搵我去一齊行?
搵埋我一齊去嘛,我都想行下
無喇，唔想再行，無意思。
香港人或者有質素去普選，但係無心去爭取，就好似一個天才無心去讀書，到最後變成一個 Mensa 會員，好似一個普通人咁去工作。
香港，已經變成一個中國城市。
Post a Comment