蝴蝶效應 5

Butterfly Effect 總恬嚟講就係因為一個輕微嘅變化，而引致一個重大嘅改變。今次個重點，唔係個效應本身，而係想講一講超時工作 (即係 OT) 點樣改變香港人生活模式。

戀愛篇:
八、九點放工，食埋個飯，戲都睇唔到就要返屋企準備瞓覺，迎接第二日嘅工作。生活圈子明顯地狹窄，要結識異性都真係靠禮拜五六日。唔好彩有 D 返五日半或長短週嘅，就靠禮拜六日，如果預留一日做運動，就得返其中一日，如果前一日瞓晏少少，咪得返半日囉。今時今日，Speed Dating 大行其道，係有佢嘅市場，但係留到電話，亦唔代表乜嘢，根本就無時間去溝通，要有好結果係一件好困難嘅事。