如果我係林鄭，區選會如期，用緊急法立公投法，响投票當日投埋五大訴求邊樣要邊樣唔要。邊個係社會一小撮人，邊個係大多數就一目了然。
大家知有得投票，你話重需唔需要上街? 咁樣做，最少响投票日前，都唔會有大型活動，社會立即回復安寧。當然投票係一件事，之後落實係另一件事，落實唔到嘅話，保證會有更大嘅反彈。
太陽與北風，你要人除低件褸，首先要令人覺得可以除低件褸。呢啲先叫非常時期用非常手段，但有無咁嘅魄力同勇氣去做? 林鄭當然無。因為咁會令建制派區選輸到一敗塗地，兼同中央反枱被辭退，解唔解放軍唔知，警隊咩反應唔知。
