尋找原作的故事

响 fb 度見到一幅相，想搵返原作者的說


貪得意地去搵吓，大神有一個 Image Search 嘅功能，擺張相嘅網址入去，就可以幫你搵到啲差唔多嘅相。


有 Twitter, 有 Google+, 有 Tumblr, 又有 Instagram, 似乎有啲難度，有啲有 Source, 有啲又無 Source, 但大約知道係5月20號之前嘅事。


所謂認睇一定睇 Comment, 响絕望之際，見到有人話幅相係自己嘅


一入去，所有相嘅題材同風格一致，似係原作了。但一睇個 Like 數，真係少得很，之前 Twitter 嗰啲閒閒地都有過千 Like, 呢個世界，公平咩?


比起 9gag 嘅轉發，真係差十萬九千里，重要有個水印...


乜俾個 Credit, 俾條原 Link 真係咁難咩? 轉發嘅版本，重要係立心不良地裁走個 Credit. 成張相，咁就無咗三分一嘅構圖。一件作品，被賊偷咗之餘，重要被人惡意破壞，對原作者嚟講，係雙重打擊。