2.0 世代

差不多十年前，網絡開始進入 Web 2.0, 意思係資訊再唔係權威性機構發放，而係由用家發放，例如 Blog, 討論區咁。經過多年，出現咗 Facebook, Twitter, Instagram 等，令到大部份人唔識科技嘅人都係資訊發放者。

科技嘅發展同資訊嘅流通，趨生咗其他 2.0 嘅產物，例如叫你起身嘅 Wakie, 用 YouTube 經營自己嘅 VOD Channel, 用 LiveStream 廣播現場畫面, Call 車用 Umber, 去旅行用 Airbnb, 新產品集資用 Kickstarter, 似乎好多嘢都可以 Cover 到。

當今發生緊嘅政治運動，又係另一個 2.0 嘅產物，沒有大會，只有群眾。响呢場運動入面，群眾嘅智慧，往往比意見領袖好。資訊流通，令眾人嘅意見以光速交流，就好似一部超級電腦咁，變成超級人腦。最厲害嘅係，當大家有共識之後，可以自行分配唔同嘅崗位。

政治可以 2.0 嗎? 其實發生過一次: 五區公投。所謂嘅政治2.0, 其實真名係直接民主。不再由代議仕發言，由人民投票直接參與決策，效率當然係低，亦都好高成本，但試想想一個重大且具爭議嘅決策，例如起高鐵咁，攪一場公投，總比爛尾嘅大白象平。

講返場運動，其實就好似紀錄片入面嘅小魚組成一個魚群嘅時候，以敵進我退嘅方法去防禦大魚嘅攻擊，依家正正就係呢個狀態。魚群會幾時候散? 當威脅消失啲時候。這是政治課題，也是生物課題。