又書展

靚仔徒弟話去書展，因為卓小姐出新書，都想去買返本。於是就約埋 Snoopy 仔同 IVE 仔，呢個組合，就好似係 Burger 組合咁，因為就係三個人去咗銅鑼灣食 Burger. 今次，係去食 Burger King. 去食嘢先，係為經歷過上年去到好夜先食到晚飯，當然又係 Whopper Junior 餐，正!

食完嘢，就坐地鐵，去到灣仔差不多八點，諗緊點樣唔使排長龍先入到去，但行到去天橋，唔使諗了，因為無人排。入到去一樓，買咗本《大粵港諺語》嘅 Poster, 同埋《笑死朕》嘅書，再慢慢行，去到明報攤位，卓小姐嘅事就响當眼位置，但係一揭本新書，係導演筆記嚟，感覺唔值得買，Skip 咗，於是就返轉頭去買咗本練肌肉嘅書。本書都幾實用，但係感覺好重，唔太想帶過英國，但既然有空位，就用佢嚟取代卓小姐嘅位置。

之後又四圍行，有本《圖解讀心術》嘅書，讀心術都有得圖解? 但英文係 A Guide to Psychology, 即係都係普通心理學嘅嘢，睇個內容，其實係 Behavioral Psychology, 見幾有趣，銀包又不小心地打開了。

今晚嘅收獲除咗三本書同一張 Poster, 重有一個小小嘅意外收獲，就係發現心理學嘅電腦人嘅關係其實都幾緊密，無論上一代，呢一代，同下一代都係。

最後雖然話十點收，但係都行到十點半，一個愉快嘅星期三晚上。