人生之旅 - Day 47

今日又係好天嘅一日，但係已經兩日無做 Gym, 唔可以懶呢件事，於是放棄外遊。去做 Gym 之前，去 Gmail Account 清 Email, 好多都係之前搵工嘅 Application Confirmation 同 Job Alert, 原來今年一月開始已經開始搵，依家諗返，其實可能同啲 Email 一樣，係多餘。

食 Lunch 嗰陣，見到有法網直播，係梅利，乜打到8:8, 呢場球嘅節奏真係好慢，慢到可以用悶嚟形容。之後有費達拿，節奏明快好多，但佔上風嘅，係佢嘅對手。但未睇完，係時候做 Gym, 返到嚟，果然係呀費生輸咗。跟住到祖高域出場，眨吓眼就已經6:1, 6:1, 本來想一路之晚餐一路睇，但樓下部電視唔知點解無咗個台，睇唔到。返上嚟，已經係最後幾分，祖高域三盤就 KO 咗對手，比起之前兩位似乎強好多。

之後，神奇嘅事情發生，旅途中嘅睡王子竟然响呢一刻响 fb 出現，搭訕吓先。原來去咗睇日出，重要去其他景點的說，即係今晚唔使瞓，服!

聽日應該係响呢邊見嘅最後一份工，之後嘅日子，就交俾命運嘅安排。