再見鐡娘子

讀中學嗰陣，唔知點解好鐘意讀傳記，可能係鐘意睇故仔。而戴卓爾夫人嘅傳記，係其中一套。

記得去睇牙醫嗰陣，為咗消磨等睇牙醫嘅時間，帶咗去睇，個牙醫一睇到我揸住套書嘅時候，大概講咗句：「乜你咁細個就睇呢啲書呀?」跟住就同佢啲同僚週圍講。佢咁講，我都覺得威水㗎!

書嘅內容都係威水史，當年睇得頗為津津有味。到今日嘅離逝，我覺得係好事，始終係大時代嘅人物，被病魔折磨始終唔係一件好事。