Déjà vu 8

開發新界東北唔係問題，諮詢方法、徵地方法係大問題。

諮詢只係同鄉委會嘅地主講，人哋就梗係贊成，你將鄉郊變市區，賣地有錢收喎，不知幾咁好。

徵地唔係剩係收咗人哋塊地之後叫人上公屋咁簡單，人哋原本好地地可以種田為生，你就趕人上樓，咁之後老人家食乜嘢呀? 你想叫人去再培訓，定去申請綜援? 當年菜園村要攪一輪先可以再建村，所以就算今次又梗推，耕地一定要一換一。

好多時，社會問題都係唔夠人性化嘅規劃、程序、措施所致。無才能，真係唔好賴邊個人。