梁營: 西九事件,第一時間開記招,再要求政府全面公開資料,反將政府一軍。幾日後 case close.
唐營: 僭建事件,擾攘多時,前言不對後語,幾日後由有膊頭嘅男人,變成乜都係太太負責,由儲物室,變成二千幾呎嘅後宮。
唐太所言更加無理,每個家庭都想有一個舒適嘅家,耐何香港寸金尺土,你屋企大把都重要起多二千幾呎,你老公做特首對得住香港人嗎? 怪唔之後你老公對原居民僭建嘅容忍度咁高。而香港,亦唔需一個好人做特首,想當年董生又夠好人,最後咪又係腳痛下台!
Search This Blog
Friday, February 17, 2012
Monday, February 13, 2012
The First Taste of Objective-C
轉換咗跑道,第一件事就係去睇 Objective-C. 其實學新 Language 唔難,對住份 Programming Guide, 唔駛落手寫其實都已經九成。其實幾日前,未開始學,都已經開始 Fix 唔少 App 嘅 Behavior. 難嘅,係去咀嚼成套 Language 嘅 Semantics, 尤其係 D 古老嘅 Language, Pointer 同 Reference 已經可以攪到頭都大,再加埋 Memory Management, 咁就算啦...
對 Objective-C 第一個感覺,原來無想像中咁差,有埋 ARC 之後,原來其實配套都可以好 Powerful. 希望一個月後可以開始玩一套自己嘅 Framework 出嚟。
對 Objective-C 第一個感覺,原來無想像中咁差,有埋 ARC 之後,原來其實配套都可以好 Powerful. 希望一個月後可以開始玩一套自己嘅 Framework 出嚟。
Tuesday, February 7, 2012
嫲嫲
記憶太少,就大概係幼稚園定小學嗰陣上過廣州探過佢。嗰陣時嫲嫲有一間士多仔,有汽水可以飲。前店後居,屋企有一隻貓仔,但啊媽唔俾掂,話污糟喎。
到咗中學,嫲嫲落咗嚟香港一個禮拜,但都無同佢出過一次街,好似無傾幾句計添。
讀完書返咗嚟香港之後,前幾年一直都想再去廣州探佢,但因為種種原因,都無行動到,
今日,得知嫲嫲過咗身,心情無想像中咁複雜,只係覺得都差唔多係時候。
同遠在天邊嘅妳講聲:「再見了!」
到咗中學,嫲嫲落咗嚟香港一個禮拜,但都無同佢出過一次街,好似無傾幾句計添。
讀完書返咗嚟香港之後,前幾年一直都想再去廣州探佢,但因為種種原因,都無行動到,
今日,得知嫲嫲過咗身,心情無想像中咁複雜,只係覺得都差唔多係時候。
同遠在天邊嘅妳講聲:「再見了!」
Saturday, February 4, 2012
假如
噚日响灣仔食完晏,週街行完,返上個客度嘅時候,經過一個棚架,突然鏗鏘一聲,天降鐵鑿,就响面前幾米落地。一開始不以為然,但諗吓諗下,如果我行快幾步、行偏少少,咁就會中招。再如果支鐵鑿唔係打橫落地,係打直落地,咁就會直穿頭蓋骨,即時係咁先。
好慶幸重可以如常生活...
好慶幸重可以如常生活...
Wednesday, February 1, 2012
如果... 命運能選擇
人生充滿選擇,感情上、工作上、甚至宗教上...
感情上,白卷一張,連最唔會結婚嘅朋友都結埋,係咪時候發力?
工作上,與到大樽頸,咁啱有大貴人招手,走唔走? 走,好似對老闆唔住,知遇之恩無以為報。唔走,好似對自己唔住,始終對做 Service 唔單止係厭倦,直頭係厭惡。一年時間,慢慢去諗...
宗教上,有唔少教徒搵上門,有佛教,亦有基督教。佛教係好耐無見過有人上門傳,之前都有個朋友成日講佛。基督教嘅感召更大,講真,我係一個幾鐘意詩歌嘅人,每聽一次都似係一次嘅感召,但諗到要應付 D 凡文俗節,主呀! 你真係要寬恕我,我真係一個好怕麻煩嘅人。
感情上,白卷一張,連最唔會結婚嘅朋友都結埋,係咪時候發力?
工作上,與到大樽頸,咁啱有大貴人招手,走唔走? 走,好似對老闆唔住,知遇之恩無以為報。唔走,好似對自己唔住,始終對做 Service 唔單止係厭倦,直頭係厭惡。一年時間,慢慢去諗...
宗教上,有唔少教徒搵上門,有佛教,亦有基督教。佛教係好耐無見過有人上門傳,之前都有個朋友成日講佛。基督教嘅感召更大,講真,我係一個幾鐘意詩歌嘅人,每聽一次都似係一次嘅感召,但諗到要應付 D 凡文俗節,主呀! 你真係要寬恕我,我真係一個好怕麻煩嘅人。
Subscribe to:
Posts (Atom)
Popular Posts
-
有說,早起的鳥兒有蟲吃,呢日係成個旅程最早起嘅一日,習慣咗每朝起身都望出個窗,睇下天氣如何,再決定行程。呢日係去布拉格嘅日子,行程就定死咗,不過望出窗口之後,靚到不能形容。空中嘅雲海,反射日出嘅晨光,拎相機、開窗、Zoom, 㩒快門,如果再開揚啲,你話幾好。 食過早餐,按照...
-
Click to Play Last Sunday, I went to Star Ferry Pier in Central, Hong Kong. A memorable place for me. It is going...
-
Communiation - 溝通 Community - 社區 Communism - 共產主義 三個唔同嘅字但字根都係嚟至於拉丁文 communis. Communis 可以再拆成 com- 同埋 unus. Com- 解「一齊」而 unus 解 「一」。 Communica...
-
呢排喺社交媒體上見到好多人分享啲所謂好好用嘅 prompt,話係可以幫到手提升效率或者創新嘅秘訣。不過,你以為真係咁簡單?我諗真係有用嘅秘訣,行家唔會咁輕易就分享出嚟! 所謂「知識就係力量」,有啲嘢,特別係真正有價值嘅,分享出嚟就等於係將自己嘅競爭優勢交出去。就好似啲大師級嘅人物...
-
I don't feel quite well since yesterday. However, I need to hold an important meeting this morning. So, I take off as soon as the meetin...
-
學咗潛水,去到澳洲又點可以唔到大堡礁? 一朝早出發,去到 dive site, 最麻煩嘅氣樽同 BCD 都已經準備好,著好 wet suit, mask 上噴上防霧,就已經落得水?! 實在太輕鬆。只係落水時嫌落得太急,好似趕鴨仔咁,落到水未抖順條氣就已經要潛。朝早都還可以,下晝就...
-
心血來潮,搬返個 domain 嚟 compustar.blogger.com
-
好鐘意睇費達拿對羅迪克,節奏夠快,唔會悶。唯一不足係費達拿屈機式嘅 Ace 波,一球、兩球、三球、四球、Game Federer, 都幾無癮。可能係鋤強扶弱嘅心態,每一次都係支持羅迪克,每一次都係屈居亞軍。依家 break point, 唔知結果會點?
-
有人話2003年遊行成功迫政府撤回廿三條,忽略咗自由黨先係關鍵。當年自由黨為咗第二年嘅直選考量,先唔再支持政府,政府唔夠票,唯有撤回。今時今日,明年無選舉之餘,自由黨亦都成為功能組別黨,即係唔再需要受民意左右。 响科學嘅角度,一個實驗只要成功得出同一個結果三次,個結果就係 w...
-
精神緊張之下,只係瞓咗6個鐘,要去拎錢同 Passport Application Form, 行去 Gloucester Road 站,去郵局攞好 Form. 間郵局係响一間鋪頭入面,而間鋪頭咁啱有 Western Union 嘅 Agent, 問題只係無 Passport, ...