初三赤口，同屋企人飲茶，跟住俾友人 call 上屋企拜年。拜年，本來諗住買柑，取其金銀滿屋。但超級市場嗰 D, 賣相欠佳，街市同街邊生果鋪又唔覺有開檔，辦館又賣到五個大洋一個，嘩! 都真係物以𥤱為貴。又唔想買糖果零食之類，一來要買兩合先抵，二來唔知友人啱唔啱食，三來又唔太健康。攪咗十幾份鐘，最後變咗買咗半打橙。
搭巴士到西環，原來西環街市嘅生果檔係開㗎?! 是但啦，都買咗，行上友人屋企，乜街邊嘅生果檔都係有開?! 原來新年買嘢，西環係方便過上環...
迎接我嘅除咗主人家，重有另外兩位友人，外加一個不合禮節嘅笑話。夠人，開枱玩 board game, 再玩三國殺，再玩 Monopoly Deal, 再玩三國殺... 中途又有人加入、離開，但個個都玩得不亦樂乎。盡興之時，已經係夜晚八點，食飯時間。
但年初三晚，都真係好難搵食，本來要去加記，但要等半個鐘。開嘅，大部份都係西餐，幾番探索，原來有另一間可以食小菜嘅地方。嗌好餸無耐，竟然話豆腐賣晒?! 有少少汗顏，唯有揀過另外一樣。晚飯過後，各自返歸。過咗一個充實嘅初三。
Popular Posts
-
一個用幾億人命換嚟嘅政權... 先唔講中共嘅權力來源係邊度，嗰「幾億」人入面有幾多人係非戰爭而死亡嘅平民，請問又知唔知? 講得出呢句去維護政權，一係無知，一係冷血，無話可說。
-
匯豐將好幾年前响印度起咗個 IT team. 根據可靠消息透露，佢哋 internal study 過大概可以節省 10% 嘅 IT 支出 (要匯豐咁大，先做到 10%, 相信係最 optimal)。但劇情又峰迴路轉，今年佢哋又打算搬返嚟香港。即係，有 D 嘢將呢 10% 嘅 b...
-
一個 DDOS Attack, 就攪到滿城風雨。要知乜嘢係 DDOS, 高登仔 可以話你知: 你係一台server，你要做既野就係當有人同你講早晨既時候，應句"陳生你好" 你既應付人客既能力大約就每秒一個咁上下 突然有一日，出面塞滿幾千個高登仔，佢地不停... -
一個 Blog, 可以反映到作者嘅思路，呢包係我其中一個 subscribe 咗 RSS 嘅 blog: 【前略...】總之, 你follow 我買賣脈路就一定覺得亂, 因為世界變得太快, 有時自打咀巴, 無面, 真係唔緊要, 只要你個portfolio 不斷升值就可以. 投資市...
-
金鐘、銅鑼灣、旺角响佔領運動其實缺一不可。我唔識乜嘢孫子兵法，但係以現有嘅資訊，加少少邏輯，可以推斷到每區所扮顯緊嘅角色。 响網絡世界度，資訊保安公司有時會架設一啲 Honeypot 嘅 Server, 專門俾人 Hack 入去。呢啲 Server, 因為太易 Hack, 往... -
Butterfly Effect 總恬嚟講就係因為一個輕微嘅變化，而引致一個重大嘅改變。今次個重點，唔係個效應本身，而係想講一講超時工作 (即係 OT) 點樣改變香港人生活模式。 物價篇: 有說，超級市場賣貴貨，甚麼平通街、保證至抵，都係扼人嘅。但係，工時長咗，放工時間夜咗...
-
星期六去咗潛水，朝早試個 housing 之餘，亦無嘢睇，好多海膽，唔敢游埋去睇。下晝帶咗部 cam 落水，有多 D 珊瑚，都 ok. 拍咗一個鐘，唔係太熟點操作，唔識 zoom, 嘥料，唯有下次再嚟過。之前幾日，又係落過雨，水質又唔係咁好，香港潛水好失望，決定十二月去澳洲。 回... -
一早起身執嘢 Check-out, 唔想食亦都唔識叫日式早餐，決定去麥記食個早晨全餐，本來嘗試用英文叫 Big Breakfast, 但店員好似唔係太識聽。佢指一指櫃枱上面個 Menu, 咁我就指個早晨全餐，Mission Completed。 個早晨全餐好掂，首先杯橙汁唔... -
住响灣仔嘅人，都知摩理臣山講緊邊度。但係座山呢? 因為有石礦，石礦採完之後，成座山被鏟平去填海。但依建築物同道路嘅排列，大約可以知係點樣: 以泳池為中心，東起摩理臣山道，西至活道。 摩理臣其實係英國早期嚟到中國嘅一個傳教士，香港開埠初期，教會曾經响山頂起咗間馬禮遜英華學校，因... -
當王議員大大聲咁話拉布拉咗1530萬去，唔知又係邊個將1億送俾大陸「賑災」? 嗰1530萬，只係九牛一毛。「捐」咗嗰一億，對大陸嚟講，都係九牛一毛。但如果用反响香港，可以做多好多嘢。 用嚟買明哥嘅飯票，可以幫到過萬個低收入人士每日一餐溫飽。 可以資助2000大學生一年學費。 ...
No comments:
Post a Comment