去輸錢請到樓下

去書展本來有兩個目的，一係搵書，二係拎個 Porter 袋。書搵到，但袋欠奉，要下個禮拜二再攞。

行完，好攰，皆因之前俾健身教練狂操大腿，跟住又要應酬個姪女，等，行，再等，今日坐嘅時間都係起身後做 gym 前、gym 後一兩個鐘、坐巴士、食晚飯同返屋企之後。

零力量嘅大腿，真係好唔掂，聽教練講，我跑步係用緊小腿同背嚟支撐成個人嘅重量，攪到小腿嘅肌肉好緊，膝頭同背部長期受力，再唔做 D 嘢，第時老咗一定會有問題。

今日買咗本卓小姐嘅散文集《孔子的敵人》，亦都幫教練買咗翁靜晶嘅《危險人物 III》。

加加埋埋，仲有之前買咗嗰三本書，希望有時間睇。