一條惡法，一個司長，一個局長，一個特首，再加一股民怨，彷彿係八年前嘅翻版。點解政府需要用八年去汲取一個教訓? 香港人亦唔抵幫，唔去自己努力爭取，令政府有恃無恐，今日嘅惡果，係香港人自己造成，經濟第一吖嗱!
民主政掍亦抵死，唔贊成五區公投，咁點解又唔支持遞補機制? 佢哋對五區公投咁反感，一個遞補機制一了百了，唔駛再承擔任何政治風險，最多咪搵多幾個人入名單，咪唔會俾第二個黨霸咗個位。香港人靠佢哋幫手爭持民主，慳 D! 要，你就自己落手投票，用腳遊行，所以响呢方面，80/90後比起佢哋之前嗰幾代做得好好多，上一代係欠咗俾佢哋。
所有嘢都係一脈相承，睇得通，就知香港人响政治上嘅 decision making 幾咁不堪。見到曾生都可以話自己係政治家就知，我重記得黃子華入面提到嗰本《白癡做特首》，睇嚟流傳咗俾曾生。
唔知幾時開始，遊行免問，心淡了，最好議席俾所有建制派做晒，等香港人認清佢哋會做 D 乜嘢，唔會吓吓都話用抗爭手法去爭取民主嘅人激。如果持續抗爭甚至一場革命可以帶嚟民主，又何妨呢?
Thursday, June 30, 2011
Monday, June 27, 2011
重轁覆徹
八年前，政府硬銷廿三條，掃把頭掃咗上百萬人响7月1號上街，7月6號田北俊辭去行政會議成員一職，在7月7日凌晨宣佈無限期押後二讀。7月9日，有5萬人維堵立法會。7月1號，就好似係揭開董生下台嘅序幕。
八年後嘅今日，政府推出立法會議席替補機制，人肉錄音機嘅言論，加上警方嘅無謂限制，彷彿係想叫多 D 人响假期得閒上街。今日，律政司司長出嚟解畫，又有消息人士放風話會讓步云云。係想留低部人肉錄音機，定曾生唔想無端端腳痛?
八年後嘅今日，政府推出立法會議席替補機制，人肉錄音機嘅言論，加上警方嘅無謂限制，彷彿係想叫多 D 人响假期得閒上街。今日，律政司司長出嚟解畫，又有消息人士放風話會讓步云云。係想留低部人肉錄音機，定曾生唔想無端端腳痛?
Thursday, June 23, 2011
國際爛 Gag
http://hk.news.yahoo.com/政府表示用抽籤處理候補名單同票情況-010400089.html
今朝聽到新聞嘅時候，都真係嚇咗一跳。乜原來呢 D 就係附合香港社會情況，有香港特式嘅民主選舉? 好心你咪笑大人個口，成日話乜乜乜會令到香港成為國際笑話，但自己又攪埋晒呢 D 無聊事。面係人哋俾，但架係自己丟。唔該將呢位局長直接放入堆填區，循環再造都費事。
今朝聽到新聞嘅時候，都真係嚇咗一跳。乜原來呢 D 就係附合香港社會情況，有香港特式嘅民主選舉? 好心你咪笑大人個口，成日話乜乜乜會令到香港成為國際笑話，但自己又攪埋晒呢 D 無聊事。面係人哋俾，但架係自己丟。唔該將呢位局長直接放入堆填區，循環再造都費事。
八十後
呢排請人，一個新鮮人，寄咗封履歷嚟，睇落唔錯。搵人約佢上嚟見工，呢日唔得嗰日又唔得，又話要返五日工，唔係唔見。大佬，份招聘廣告咪講咗返五日囉，你無嘢呀?
跟住又問星期三得唔得，我咪話下晝 OK. 跟住又話會盡量到，大哥，家陣駛唔駛我上你屋企見你呀? 約完人又唔安排時間，玩呀? 真係... 嚟就嚟唔嚟就算!
跟住又問星期三得唔得，我咪話下晝 OK. 跟住又話會盡量到，大哥，家陣駛唔駛我上你屋企見你呀? 約完人又唔安排時間，玩呀? 真係... 嚟就嚟唔嚟就算!
Wednesday, June 15, 2011
香港歷史
TVB 出咗一個叫《香港玄案》嘅節目，奇實就係講緊一 D 香港嘅掌故，即係香港個名點嚟呀，石龜上山/下海香港會陸沉之類。正正經經嘅節目唔做，攪到好似查案咁，重要搵老人家出外境，都幾不知所謂。唔該 TVB 做返 D 好少少嘅人文節目啦!
Sunday, June 12, 2011
城市狹縫
雲在天，人在地。响狹窄嘅街道上，要一睹雲境，就只有响城市中嘅狹縫見到。今日响街度，抬頭一望，天藍得靚，雲排得亦唔錯，身上無帶相機，唯有用手機影低。
Post 咗上 Facebook, 無獨有偶地，其他人都有代表作:
Post 咗上 Facebook, 無獨有偶地，其他人都有代表作:
Monday, June 6, 2011
Drama
人生苦悶，大家都想响電視到找尋娛樂。以前有肥皂劇，但觀眾開始覺得演員唔夠七情上面，之後開始流行各式各樣嘅真人 Show. 十幾年來，都以 Offstage 嘅 Show 作為主導，例如 Survivor, Apprentice 咁。但觀眾又開始覺得呢 D show 入面嘅人物同劇情太過作狀，有造假之嫌。
跟住就出現一 D 以比賽藍本嘅真人 Show, 即係話以比賽為名，做真人 Show 為實嗰 D. Britain's Got Talent入面嘅 Susan Boyle 就係真人 Show 嘅其中一個主角。由佢一鳴驚人，到準決賽失準，最後得個第二名。加上新聞同網絡嘅發酵，當中劇情峰迴路轉，無不扣人心弦。
最近响見到幾條《中國達人秀》嘅片段，都係做 D 類似嘅事，但混賬嘅係，製作人响個人表演之前，都會加插主角嘅悲情故事。或者，睇第一次可以賺人熱淚，但攪多幾次，都覺得幾過份。故事一定係真嘅，咁究竟呢個係才藝比賽定故仔鬥慘比賽? 其他節目嘅劇情，係比賽本身誘發出嚟。但呢個節目，係將參賽者嘅背景故事作為主體。
講真，中國人口多，只要有 1% 嘅人不幸，就會有 1300 萬個悲劇，你想逐個逐個聽嗎? 一秒一個都要聽夠 21 個禮拜。造催淚彈都要有個限度吧!
跟住就出現一 D 以比賽藍本嘅真人 Show, 即係話以比賽為名，做真人 Show 為實嗰 D. Britain's Got Talent入面嘅 Susan Boyle 就係真人 Show 嘅其中一個主角。由佢一鳴驚人，到準決賽失準，最後得個第二名。加上新聞同網絡嘅發酵，當中劇情峰迴路轉，無不扣人心弦。
最近响見到幾條《中國達人秀》嘅片段，都係做 D 類似嘅事，但混賬嘅係，製作人响個人表演之前，都會加插主角嘅悲情故事。或者，睇第一次可以賺人熱淚，但攪多幾次，都覺得幾過份。故事一定係真嘅，咁究竟呢個係才藝比賽定故仔鬥慘比賽? 其他節目嘅劇情，係比賽本身誘發出嚟。但呢個節目，係將參賽者嘅背景故事作為主體。
講真，中國人口多，只要有 1% 嘅人不幸，就會有 1300 萬個悲劇，你想逐個逐個聽嗎? 一秒一個都要聽夠 21 個禮拜。造催淚彈都要有個限度吧!
Thursday, June 2, 2011
Do you hear the people sing
响 179 年前嘅春夏之交，法國有一場政治風波。1832年6月2日，被人民愛戴嘅 Lamarque 將軍逝世，觸發大學生上街抗爭，4日後流血收場。事件亦被法國作家 Victor-Marie Hugo 响30年後寫成名著《孤星淚》，小說被編成音樂劇後，《Do you hear the people sing》成為重要嘅曲目，而頭四句亦成為歌曲嘅主旨:
六月四日，你忘得掉嗎?
Do you hear the people sing?事實證明，歷史係會不斷重演。157 年後嘅春夏之交，中國亦有一場政治風波。一樣係人民愛戴嘅領袖逝世，一樣係大學生上街，一樣係流血收場。唔同嘅係，當日法國嘅七月王朝响十六年後被第二共和國取代。至於中國，今年已經係第廿二個年頭，政權卻沒有絲毫改變。
Singing a song of angry men?
It is the music of a people
Who will not be slaves again!
六月四日，你忘得掉嗎?
Subscribe to:
Posts (Atom)
Popular Posts
-
朋友遠行，中文可以祝福一路順風，英文就可以講 Godspeed. God 當然係神，Speed 除咗加速，Old English (spedan) 嚟講重可以解 to succeed, prosper, grow rich, advance. 原句 "God spe...
-
精神緊張之下，只係瞓咗6個鐘，要去拎錢同 Passport Application Form, 行去 Gloucester Road 站，去郵局攞好 Form. 間郵局係响一間鋪頭入面，而間鋪頭咁啱有 Western Union 嘅 Agent, 問題只係無 Passport, ... -
今日突然想搵返一句名言嘅英文版本，一開始只係諗起「理想開始」同埋「??結束」，之後就搵到原句「所有偉大的歷史事件，都是作為烏托邦開始，作為現實結束。」出於庫登霍夫‧卡勒吉嘅《泛歐洲》。句子個 Utopia 嘅搜尋結果太多，泛我知道係 Pan-, 但 Pan-乜嘢呢? Pan-Eu...
-
有說，早起的鳥兒有蟲吃，呢日係成個旅程最早起嘅一日，習慣咗每朝起身都望出個窗，睇下天氣如何，再決定行程。呢日係去布拉格嘅日子，行程就定死咗，不過望出窗口之後，靚到不能形容。空中嘅雲海，反射日出嘅晨光，拎相機、開窗、Zoom, 㩒快門，如果再開揚啲，你話幾好。 食過早餐，按照... -
I was quite lucky to catch the up and down of the market these few weeks. I sold the AUD and then buy some call warrants of Hang Seng Index....
-
難得無落雨，決定去駁二藝術特區行吓，落車後途中經過叫五金街嘅地方，原來又有典故喎 成條街無嘢多，係五金鋪多 作為一個藝術特區擺設藝術品是常識吧。 直到影呢兩幅相，先發現之前部相機影嘅都係手動對焦 -_- 柳暗花明五金鋪 經過一系例嘅五金鋪之後，就到... -
落咗幾日雪，今日終於出太陽，決定去 City Park 補完，於是就帶晒相機同全景鏡，全副武裝去影相 有太陽、有藍天，比起噚日嘅較果好好多 個湖景亦都唔錯 部份結咗冰，湖面好幾硬，見到有人踩上去影相，不過我就唔夠膽咁做 竟然搵得返噚寫嘅字 去... -
香港曾經係英國嘅殖民地，前幾日再度政黨輪替，保守黨同自由民主黨組成聯合政府。保守黨要執政嘅代價，就係改革選舉制度，由人民以公投決定。 咁香港呢? 點解香港人唔可以就選舉制度，用公投決定? 點解有人可以有 3 票分別選特首、選功能組別議員、地區議員? 而你就只可以選地區議員...
-
無水晶球，係咪預測唔到未來? 但以每小時 1.2% 嘅投票率計，總投票率會係 18%. 後果係今次嘅公投運動失敗，香港人放棄咗表達嘅權利，放棄可貴嘅民主。 今日終於俾我見到未來嘅香港，就係由國際大都會變成中國嘅一個城市。回歸廿一年，香港人由自力更生，變成乜都伸手問北京攞。CE...
