信用咭

M & S 响英國，除咗賣衫同食物之外，重可以斨錢，滙率不差，而且如果有佢張信用咭，滙率更好。於是斨完錢之後，就去問吓個職員點申請，當然推銷咗一輪張咭有咩好處之後，又要等專人嚟幫我攪。

好快咁有個女仔嚟，帶咗我埋位，問咗一大堆嘢咁，原來 M & S Bank 係一個禮拜開足7日，朝早10點開到夜晚10點。而且背後係 HSBC 聯營，似乎啱我呢啲上班族嘅時間，不過轉銀行又要攪一輪，唔太想煩。

問咗一輪基本資料之後，入晒電腦，最後 Reject 咗。話我住得唔夠耐，份工又只係剛開始，而且無 Credit Record, 所以唔批。算數，反正無損失。

盤川準備好晒，上網睇過天氣，落雪嘅日子不多，去嘅時間剛好避過唔少落雪或者落雨嘅日子，似乎幾好彩。星期五就出發，重未諗好執乜嘢。