路西法效應

其實，《路西法效應》只係一個書名，詳述咗作者本身做過嘅實驗，搜集咗一啲相關嘅實驗，講述一個人响乜嘢嘅情況下會做出壞事，相信讀過心理學嘅人都會認得當中一兩個實驗。

其中一章以 Investigating Social Dynamics: Deindividuation, Dehumanization, and the Evil of Inaction 為題，Deindividuation 一段題到，一班本來唔敢去殺生嘅基督徒，當化完妝，响水中倒影見唔到自己之後，就好樂意咁殺害小動物。個妝除咗將人面覆蓋，同時亦都將人心沒埋咗。化個妝尚有咁嘅效果，更何況著晒制服?

另一章係 Investigating Social Dynamics: Power, Conformity, and Obedience, 當中嘅電人實驗，讀書嗰陣都幾震驚吓，大概係搵人去電人，電壓隨住電人嘅次數上升，電夠廿次，由15v 去到300v. 有90%嘅人會電夠廿次都唔會出聲反抗，By the way, 佢哋係試過被電一次15v, 同埋知道300v 係會出事 (詳情自己睇 TED)。實驗證明，當你被賦予權力，你就會服從。

所以警察嘅狀況嘛，當佢帶上裝備，接受上級命令嘅時候，佢就只係人型生物而已。

既然 Deindividuation 有咁明顯嘅效用，咁唯一應付方法，我諗就係 Deanonymization. 等佢哋意識到要為自己做過嘅事負責，先至夠有效。

By the way, 除咗 TED 之外，本書响 Archive.org 免費任睇。入面第二至第九個 Chapter 都係講作者嘅實驗過程，可以全 Skip. 之後就會以各項唔同嘅實驗講述一啲嘅原理，全部睇晒會幾悶，有啲覺得悶嘅可以 Skip 的，因為呢啲實驗出嚟嘅結果都係大同小異 (就好似你以唔同嘅方法驗證一加一等於二咁，唔會有第二個答案，驚起不大)。