太源街

放工落灣仔，睇吓有乜嘢可以做聖誕禮物。同事們都話太源街七點幾就收，但唔知係咪聖誕關係，過咗七點九，好多都重開緊。

太源街係一條好應節嘅行，Halloween 會有晒啲南瓜呀、巫婆呀、彊屍呀咁。聖誕節喎，就有好多波波，其中一間鋪就專賣聖誕裝飾。入面有好多波波球，有大有細有光面有磨砂有金粉，Send 咗幅相俾女徒弟，對眼肯定發晒光!

行吓行吓，有好多 Line 公仔之餘，亦有另一位大熱「紙箱人」。

有少少出奇嘅係，有好多火車，怪不之得徒弟仔會過嚟睇。

不過就唔見太啱心水嘅禮物，下次去深水埗𥄫𥄫再決定。