嫲嫲

記憶太少，就大概係幼稚園定小學嗰陣上過廣州探過佢。嗰陣時嫲嫲有一間士多仔，有汽水可以飲。前店後居，屋企有一隻貓仔，但啊媽唔俾掂，話污糟喎。

到咗中學，嫲嫲落咗嚟香港一個禮拜，但都無同佢出過一次街，好似無傾幾句計添。

讀完書返咗嚟香港之後，前幾年一直都想再去廣州探佢，但因為種種原因，都無行動到，

今日，得知嫲嫲過咗身，心情無想像中咁複雜，只係覺得都差唔多係時候。

同遠在天邊嘅妳講聲:「再見了!」