巴士奇遇

响灣仔搭26號返公司，臨落車嗰陣，有個婆婆唔太識落車，又堅持佢要去嗰度附近有個巴士站，但實情我住咁耐都唔覺有，唯有揀一個最近同可以行得最舒服嘅站 (其實都係二揀一) 同佢一齊落車。

雖然婆婆話佢唔係好行得，但就好好中氣話自己搭錯車云云。由街頭行到街尾左右，都只係一分幾鐘就到咗，要離開，隨住婆婆嘅一連串祝福語，一切回復平靜。唔知婆婆會點返屋企呢?