開恩茲之旅 - Day 3

三點幾起身去坐熱氣球，六點左右真係要上去，黑嘛嘛，乜都睇唔到，有一陣臭味，唯有見到深色嘅地方就走開，以免誤中地雷。

上到氣球，是破曉時份，一道陽光劃破長空。隨著氣球緩緩升起，天色亦慢慢變得明朗。晨光初露，氣球穿過雲端，雲海處處，又是另一番境象。相機快門、閃光燈，開關閃爍過不停。返回雲底，地面風光稍為遜色，直至太陽露出一道曙光，所有焦點都立刻轉移，快門閃燈開關閃爍比之前更甚。

返到地面，不乏影相嘅空間。架 shuttle 車我哋去食早餐，早餐大家又影吓 D 攪笑相咁。八點九，shuttle 車我哋去 skyrail station. 八個字嘅車程，車上播住催促曲，我都瞓到半個鐘左右。

九點半，响 skyrail station, 等咗一個鐘左右，同另一個團友會合，出發坐纜車。風景無乜特別，好以海洋公園咁，不過就有三程。第一程，都見到唔少甘蔗田，之後兩程都係俾一大個雨林圍繞住。

坐完纜車，已經係Kuranda, 雨林中嘅一條村，食過午餐、買過手信、影過相，已經 miss 咗兩點嘅火車，要等個半鐘先再有火車開出。上到火車，沿途風景 OK, 只係俾好多樹阻住，當然，雨林中嘅樹係必要嘅，亦唔阻人影相嘅雅興。結果瞓覺嘅瞓覺，影相嘅影相，傾計嘅傾計。又係六點，行程豐富嘅一日。