台中

晨咁早起身，去南投縣嘅孔雀園，途中經過集集，見到俾地震震到歪嘅供電塔。到孔雀園，其中一隻開屏，但係換毛季節，個孔雀屏無乜顏色。

去到日月潭，有間文武廟，有關公、孔子，但經過地震，復修過，好多建築都幾新。途中聽到導遊講咗好多故仔，神仙、神獸顯靈云云。

食過午飯，去九族文化村，太多嘢睇，要走馬看花，匆匆影幾張相、由山上影到山下就要上返旅遊巴，去台中。司機買咗埔里嘅水作為道別禮、導遊買咗豬肉乾、美人蕉請大家食。

食過晚飯，行行夜市，比起噚晚嗰個有少少失色，只係食咗用滾油浸嘅肉員。好香、好食，亦好滯。

聽日比今日要更加早起。