友共情 - 小學篇之女仔篇

因為學號係由姓名去排，咁啱排响我前面同後面嘅都係女仔，所以呢兩個女同學係特別有印象。一位叫林昭愉，一位叫吳凱怡。

林昭愉我記得係搭校車嘅，嗰陣大家做咗一件紀念品俾對方，我記得未搬屋之前都仲有 keep, 但係搬咗屋之後就唔見咗。

吳凱怡就有一個做老師嘅媽媽，仲帶一幅好厚嘅眼鏡，記得升咗中學之後，我都仲有寫聖誕咭俾佢，跟住收到佢媽媽回信，話佢已經去咗外國留學，之後無晒佢嘅消息。唔知佢依家點呢?