Monday, June 29, 2009
Saturday, June 27, 2009
再見米高積遜
第一次聽佢嘅歌，大概就係 Black or White 做嘅廣告歌，唔同人種用 video morphing 變出嚟，今時今日自己都未試過點做。之前一兩年，再聽返佢嘅歌，依然動聽。一個人有靚聲、愛心、有名有利，可能膚色係佢嘅唯一缺憾，但原來，上天造人，係比人工整容靚好多倍。
Monday, June 22, 2009
失策
去尖東影 time lapse, 本來一切安好，點知原來今日係熄燈兩個鐘? 正當猶疑緊部相機頂唔頂到咁耐之際，真係停咗影相。乜我無較細個 resolution 咩... 明明較咗格... 點會咁㗎... 就咁提早收工。每張相都係用咗 3456 x 2592 影，真係超級高清...
P.S.: 海邊大風，好涼。但一離開，又濕又熱，D 汗流過不停，夏至果然不同凡響。
P.P.S.: 今日多雲，最後都係一粒星都見唔到，但依眼所見，就算無雲嘅區域，都係搵唔到星。香港嘅市區，真係再睇唔到星。
P.S.: 海邊大風，好涼。但一離開，又濕又熱，D 汗流過不停，夏至果然不同凡響。
P.P.S.: 今日多雲，最後都係一粒星都見唔到，但依眼所見，就算無雲嘅區域，都係搵唔到星。香港嘅市區，真係再睇唔到星。
Sunday, June 21, 2009
正生的迷思
如果你問我，正生搬去屋企附近有無問題，我無所謂。反而明報今日一則副刊，令我有更深切嘅反思:
共同分擔不受歡迎設施點解呢 D 負面嘅社區設施，唔會响富裕嘅社區出現? 呢 D 社區一樣係遠離市區，居民個個都受高等教育，紳士淑女，話唔定接受程度會比其他社區好。又係曾特首話 "having something located near your. I think it is the least sacrifice you should make."
對於有梅窩人不滿偏偏選了他們的社區，陳健民說，社會有多類型的設施需要大家承擔，只要不是過於集中一個地區，就有道德責任接受，就算富裕如數碼港 的富豪區，也有此責任。美國有一條Equal Share Law，也有一個透明及嚴謹的規劃制度，當地人一般會透過法律解決這類問題。香港的規劃大綱圖則定得很鬆，被劃定為公共用途的，可以是公園亦可以是一間診 療所，問題是香港官僚系統在整個規劃過程有很大權，在最後一刻硬「塞」一件東西亦不違反規劃程序，居民無從參與，增加發生衝突的機會。
Wednesday, June 17, 2009
Monday, June 15, 2009
%5B2%5D.jpg)
%5B1%5D.jpg)
Monday, June 8, 2009
好多點
星期六响地鐵見到 eee PC Shell, 話咩多點觸控，咦?! Multi-touch screen 呼? 今日一睇個 spec, 原來係個 multi-touch 嘅 touchpad, 好無聊... 個 touchpad 亦都凹凹凸凸，好多點。
Friday, June 5, 2009
換護照
第一個十年，响英國申請，唔知去咗邊。
第二個十年，响香港申請，唔知幾錢，不過好硬正，所有資料都係手寫。
第三個十年，响美國申請，盛惠 73.1 美金，Paper back cover, 資料都係電腦打印。
第四個十年，响香港申請，成 1430 港紙 (好彩英磅平時換，過多一兩日個價錢已經係1620)，Paper back cover, 資料電腦打印外，加埋晶片，真係高科技。
第二個十年，响香港申請，唔知幾錢，不過好硬正，所有資料都係手寫。
第三個十年，响美國申請，盛惠 73.1 美金，Paper back cover, 資料都係電腦打印。
第四個十年，响香港申請，成 1430 港紙 (好彩英磅平時換，過多一兩日個價錢已經係1620)，Paper back cover, 資料電腦打印外，加埋晶片，真係高科技。
Thursday, June 4, 2009
局外人
去維園，唯一目的，影 time lapse, on the record.
19:20
無雨，拎腳架出發。
19:30
天后地鐵站，好多人，今日唔係星期日或者公眾假期，但都係為咗同一個目的地。四部扶手電梯，二上二落，點知地鐵職員竟然停咗一部上嘅?!
19:45
要高空拍攝，唯一地點，係中央圖書館去維園嘅天穚，點知有警察、保安駐守，天穚邊放晒鐵馬、唔俾用腳架、影完要走云云。把心一橫，衝入維園，求其搵個無乜人嘅位影。
20:15
身後越企越多人，突然有人衝去腳架面前坐，OK, 係應該讓局內人，但要顧住個腳架，所以無乜心情真係去參與。但係就因為欠缺參與嘅熱情，見到其他週邊嘅嘢。聽著台上講者嘅激情呼喊、前學運領袖嘅朗誦，看著點點燭光，想著是香港人的三分鐘熱度，還是二十年的執著。
22:00
隨著活動到了尾聲，相機電池亦耗盡，收拾架生，多謝特區政府俾我一個咁好嘅攝錄提材，七月一日可以上天穚影 time lapse 了。
這個年紀的我，不再是熱血的青年，悼念不是我今晚的目的，但偏偏在熱血的年代，沒有到過維園悼念六四。
19:20
無雨，拎腳架出發。
19:30
天后地鐵站，好多人，今日唔係星期日或者公眾假期，但都係為咗同一個目的地。四部扶手電梯，二上二落，點知地鐵職員竟然停咗一部上嘅?!
19:45
要高空拍攝，唯一地點，係中央圖書館去維園嘅天穚，點知有警察、保安駐守，天穚邊放晒鐵馬、唔俾用腳架、影完要走云云。把心一橫，衝入維園，求其搵個無乜人嘅位影。
20:15
身後越企越多人，突然有人衝去腳架面前坐，OK, 係應該讓局內人，但要顧住個腳架，所以無乜心情真係去參與。但係就因為欠缺參與嘅熱情，見到其他週邊嘅嘢。聽著台上講者嘅激情呼喊、前學運領袖嘅朗誦，看著點點燭光，想著是香港人的三分鐘熱度，還是二十年的執著。
22:00
隨著活動到了尾聲，相機電池亦耗盡，收拾架生，多謝特區政府俾我一個咁好嘅攝錄提材，七月一日可以上天穚影 time lapse 了。
這個年紀的我，不再是熱血的青年，悼念不是我今晚的目的，但偏偏在熱血的年代，沒有到過維園悼念六四。
六四的二三事
中國政府响一九八九年六月四號做出一件無可原諒嘅事。
原來入境處覺得學運領袖或藝術家比 H1N1 流感患者可怕，更危害公眾安全。
原來《天安門》係一部醜化學生領袖嘅紀綠片。
原來溫總當年係企响趙紫陽旁邊勉勵學生。
原來好多人都無忘記六四呢件事。
P.S.: 有人用 Beyond 嘅《抗戰二十年》紀念六四，但我覺得呢首歌係屬於家駒。
原來入境處覺得學運領袖或藝術家比 H1N1 流感患者可怕，更危害公眾安全。
原來《天安門》係一部醜化學生領袖嘅紀綠片。
原來溫總當年係企响趙紫陽旁邊勉勵學生。
原來好多人都無忘記六四呢件事。
P.S.: 有人用 Beyond 嘅《抗戰二十年》紀念六四，但我覺得呢首歌係屬於家駒。