體操比賽

細細個嘅時候，覺得體操好悶，尤其自由體操，一個人幾個簡單動作，重要有幾個人失手，完全唔識欣賞。但今年一睇，另有一番體會。見到嘅，係每一位運動員肌肉協調嘅能力。

做 gym 嘅時候，一個睇落簡單嘅動作，但其實運動量可以好大，做完一 set 都攪到氣來氣喘、一身大汗。睇住自由體操、跳馬、鞍馬各個動作，程飛跳、湯馬斯迴旋，簡直係挑戰物理學、運動學同生物學嘅表演。成功，係得來不易。失敗，亦情有可願。金、銀、銅，並唔係為國家爭光，而係對自己努力嘅肯定，觀眾嘅鼓勵，作用同樣難得。