Search This Blog

Tuesday, March 31, 2015

強人

政治學家 Samuel Huntington 講過:
The freedom and creativity that President Lee has introduced here in Taiwan will survive him. The honesty and efficiency that Senior Minister Lee has brought to Singapore are likely to follow him to his grave.

In some circumstances, authoritarianism may do well in the short term, but experience clearly shows that only democracy produces 'good government' in the long haul.
指出一個長治久安嘅制度,並不能靠一個人嘅道德去維持。民主制度,係一個防腐嘅制度,入面充滿住對人嘅不信任: 將權力分散去唔同嘅機構作制衡之餘,亦都將執政時間作出限制。或者民主制度唔係萬應靈丹,但就可以有效防治做得差嘅人繼續做落去。

以台灣為例,權力可以令一個曾經作為維權律師嘅陳水扁變成貪腐之人,你重會相信執政嘅人嗎? 假設無民主制度,陳水扁係咪會無事? 政治嚟講,相信制度,永遠比相信人好。

Wednesday, March 25, 2015

康泰之旅 - 喜宴

出發前,Book 咗架 Minicab, 因為之前都會早到,時間預少咗,點知就遲晒大到。時間一分一秒咁過,好地地有路唔行,佢走咗行 High Street, 一條常塞嘅路段,於是叫司機盡快離開。之後,道路尚算暢通,不過臨到機場一段,因為之前有車禍,所以都用咗唔少時間,去到機場嗰陣,剩返一個鐘就要上機,飛奔去 Check-in, 總算無遲到。

上到機上面,揀咗個緊急逃生位,貪佢前面多啲空間,但係就無窗,下次都係唔揀呢一行。十二個鐘嘅機程,食咗晚餐後就開始瞓,每兩個鐘頭醒一次,都叫係咁易瞓咗六個鐘,之後玩吓手機、聽吓之前 Download 嘅網台節目咁。好快就到早餐時間,即係差不多到了。

返到屋企,差不多三點,按照行程買少少嘢,洗個面,都已經係五點,屋企部電腦開嚟開去都開唔到,睇嚟遲已經都咗部機嘅極限,好似都用咗成六、七年。算,就嚟六點,出發。

婚宴會場,未有識嘅人到,先搵好位坐低,再睇吓啲結婚相

有小食,有最鐘意嘅拍碎黃瓜,反正肚餓,整咗碟嚟濟五臟廟。啲酒嘛,今晚似乎有人不醉無歸了。


各人陸續到齊,一般婚宴程序: 影相、進場、開席、敬酒、送客... 隔籬一枱飲得好高興,臨走嘅時候重飲緊,而一開始影到嘅酒樽,有近一半响呢張枱度 -_-!


伴郎們都檔咗幾杯,但新郎哥點都難逃一劫,一時興起,亦小酌半杯,呢半杯破咗兩個慣例,但值得。曲終人散,第二日又要飛了,但唔太瞓得好。

P.S.: 新娘致辭嗰陣,除咗多謝雙方家長,重講咗同新郎哥籌備婚事嘅點滴,放咗一大個閃光彈,Sweet 爆!

Friday, March 20, 2015

歐遊四國之旅 - 後記

  • 聖誕似乎唔係旅行嘅日子,週圍都閂晒門,又落大雪,又有 Christmas Market, 唔太影到相
  • 張 Eye-fi Card 似乎啱使,可以用到相機之餘又可以即時 Upload 去電話度
  • 唔知點解德國嘅電話咭特別貴
  • 下次都係搭火車好啲,巴士有時遇上塞車都幾係嘢
  • 似乎應該盡量避免廉航,機場又遠服務又九流
  • 大城玩得差唔多,係時候開始玩啲小鎮
  • 但布拉格應該會再去多次

    歐遊四國之旅 - 完結

    要走喇,之前一晚 Call 咗架的士,都幾先進吓


    其實 Call 的士去機場同就咁响街截價錢差唔多,不過街上面好似唔覺有的士咁解啫

    而且,的士係四個圈嚟,真係富貴的。

    我已經唔知响布拉格食咗幾次麥記了,估唔到最後一餐都係佢


    入閘過關去候機室,見到有... Power Point...


    上到機,口乾,買支水飲先,吓,金額太細碌唔到咭? 我無 Euro 喎... 得張100蚊嘅捷克紙,咁就俾個空姐搶咗去,低能㗎! 算! 無下次!

    落咗機後,本來計好時間搭火車返屋企重夠時間去超級市場買嘢,點知坐錯火車,遲咗十分鐘,因為星期日嘅關係,閂咗門 lu. 好彩,屋企附近好多其他小店可以買餸,夜晚嗰餐唔驚無嘢食。

    歐遊四國之旅 - 城堡與舊城

    之一晚見到連儂牆被破壞後,想去為件作品復修,經過二戰紀念像,影過相之後


    突然間有一隊軍隊經過,何其壯觀


    再經過一河邊,不少人响度餵鵝


    行過少少,有個幾攪笑嘅噴泉,不過手工一啲都唔講得笑


    其實除咗復修作品,都想睇吓其他人响 Memo 紙上寫咗啲乜


    又係 Lunch time, 又係麥記,原來呢度嘅麥記嘅餐,除咗有朱古力蛋糕之後,個沙律重有三粒車厘茄,其他地方得兩粒㗎咋!


    食飽之後,沿住噚晚條路行上 Prague Castle, 原來 Prague Castle 曾經係抗爭嘅地方


    最後一段斜路,有啲攤檔响度,不過呢前面係牆,後面係無嘢嘅山,究竟佢每日點入去嘅呢?


    終於到咗


    個大教堂,好似夜景好睇啲


    唔知點解,大教堂經常會成為景點,其實好蝦人睇,一係要知道間教堂嘅歷史,一係就要由藝術角度入手,即係啲牆外浮雕、建築風格、同玻璃彩繪咁。


    呢度啲教堂好得意,數目多之餘,教堂重有 Concert 聽


    行過少少,响 Toy Museum 對出,有個私處閃閃令嘅銅像,女仕們都模住嚟影相,話會帶嚟幸運咁話。


    對面原來有貝多芬同莫札特嘅手稿,有啲興趣,不過今日時間太趕,睇嚟都係無緣。


    走出城堡,又係山景


    落返地上面,有檔賣零食嘅小店,見幾過癮,就買咗串薯片試吓,味道還好,如果無咁䶢嘅話...


    走到地鐵站附近,原來有間博物館,但想响天黑之前行一行入舊城區影相,決定影完相再過嚟。

    唔知係咪博物館嘅關係,地鐵站入面嘅擺設有少少博物館展品嘅 Feel


    入到舊城區,啲建築物嘅外牆都幾多嘢睇吓,手工唔差


    不過呢啲得個頭嘅雕刻,俾我住响對面睇到嘅話,都幾得人驚吓


    行得差唔多,再去舊城中心個 Christmas Market 睇吓


    似乎都係夜晚好睇啲


    又有 Concert, 其實好想聽,不過博物館會閂門,似乎又係要下次再嚟先可以聽


    本來以為入面啲展品啱睇,但係其實好多都係宗教向嘅展品,有少少失望,而且地方唔大,好快就可以行完,不過我就夾硬行咗一個鐘。


    行完博物館,去返連儂牆付近搵食,之前食過炆豬肉,今次試吓焗鴨,還可以,始終唔識欣賞。


    要返房了,搭最後一程嘅電車,原來都幾多塗鴉。塗鴉,彷彿就好似係布拉格嘅特色。

    Friday, March 13, 2015

    每日一字 30

    今日俾人問咗條好得意嘅題目
    如果昨天是明天的話就好了,這樣今天就週五了。

    問題 : 句中今天是週幾?
    有兩個答案,只要將昨天同明天重疊,再設定週五為假設嘅今天,就可以搵到今天係乜。簡單用 Excel 睇就知發生乜事:


    當然,如果講呢條問題,就唔會構成每日一字嘅題材。要講嘅係英文版本:
    Samuel said, "If yesterday was tomorrow, today would be Friday." When did Samuel speak?
    或者會問,中文同英文有分別嗎? 答案係有,中文同英文都有時間嘅慨念,但中文字無英文字嘅時態。時態,造就咗關鍵嘅分別。

    "If yesterday was tomorrow" 係過去式,咁即係 Yesterday 已經過咗去... 即係今日係星期日... 好似係... 錯囉...

    因為英文係可以用過去式表達未來嘅嘢。用得 If, 基本上已經構成 Conditional Sentence. 用 Past Tense 表示不可能嘅假設 (昨天無可能係明天),之後嘅 would + infinitive 講緊件事未發生。未發生嘅就只可能係明天,所以今天係星期三。

    有興趣去睇睇 Conditional Sentence 四式

    P.S.: 搵到另一個句式,解法好似又唔同了...
    A teacher says to her class "I wish yesterday was tomorrow, because today would be Friday" What day did she say this on?

    Wednesday, March 11, 2015

    歐遊四國之旅 - 無心插柳行

    之前 Mark 底咗幾個景點,Powder Tower, 聖母教堂,但全部都好似無乜特別咁,加上落雨,心情不大好。


    跟住搭車竟然搭到嚟 Charles Bridge附近,本來想搵間 Local餐廳食 Lunch. 點知好多都係食 Pizza, Kabab或噚日嗰餐Lunch嘅菜式。最後我都係鐘意麥記多啲,原來呢度嘅麥記除可以薯條可以改沙律,重有個朱古力Cup Cake. 本來剩係叫沙律,但係因為個魚柳包要等,個經理送埋個薯條俾我,呢餐嘅卡路里好重。


    响等緊車去下一個景點嘅時候,見到有呢個裝置藝術,用嚟紀念曾經受共產黨迫害同埋生活受到摧殘嘅人。


    搭車嚟到,唔知點解會將外交部都 Mark 埋做景點,究竟發生乜事呢? 想行返回頭路之際,發現好多人繼續向前行,似乎前面有其他景點。


    原來柳咁花明又一邨,原來係 Prague Castle, 不過已經過咗兩點,好快就天黑,唔入去住


    但似乎幾啱影夜景


    沿住 Lesser Town 落返去市中心,啲建築物都幾有特色


    返酒店執好架撐,等天黑,再度出發。

    因為 Lunch太豐富,今晚就食呢個 Trdelnik 算數


    入夜後,風景又不一樣了


    本來只係想影個山景,但影吓影吓,就變咗全景圖


    跟住發現,原來 Prague Castle 重開緊,可以入去參觀


    其實都只係行咗一個圈


    好快就行返出嚟,响城堡嘅另一端,再影吓布拉格嘅夜景


    見有啲時間,搭車返去連儂牆𥄫吓,嘩,乜爛鬼晒...


    攪到心情超差,於是去咗附近間 Starbucks 叫咗個 Cheese Cake 去結束行程。

    Popular Posts