星際奇遇記

去睇 Interstellar, 特登搵咗間 IMAX 戲院，點知... 無 3D... 無做好事前功夫嘅後果... 啲音響，都幾好嘅...

入到去，隔籬係同我一樣一個人睇戲，開場前傾咗一陣，又傾起香港嘅事，到最後佢話有兩個夢想，一個係人類可以登陸火星，另一個係想中國有民主。唔... 估唔到，响英國都有大中華膠 (笑), 講真，可能中國要有民主，比人類登陸火星更難。

套戲嘛... 文戲太多，加上無字幕，同埋唔夠瞓，睇得都幾辛苦吓，開頭啲細節位就 Miss 晒，但後尾嘅情節都幾唔錯，都算值得一睇。

飲水 思源

一位警察朋友說

記得中學三年級時。。搬去 170度無敵大海景的全新甲級學校。。有標準的籃球場。。
那時我是一名波牛。。一日飲幾公升水。。但是新學校仍未安裝過濾水飲水器。。所以要去小食部買。。佔用我一大部份零用錢。。亦絶不環保 !
因此我每次有機會同老師交談時都會提及飲水器事宜。。我真係好煩。。抱住和平與愛去爭取。。記憶中。。大概中四開學後我就輕鬆的上學去而不用帶沉重的水樽。。
改變是需要時間的。。更何況大改 !
學校不是服務我一人。。更何況政府 !!

呢個比喻好唔好我唔去評論，但如果要用返呢個比喻嘅話，依家係教務處咨詢完大部份學生意見，話俾校長聽唔使飲水機，於是校長就決定學校唔裝飲水機，走去整咗部汽水機返嚟，跟住老師叫你去繼續去小食部買水飲住先。

返嚟現實，學校嘅行政受到物理上同資源上嘅限制。裝飲水機，要裝幾多部、裝响邊、要幾錢、招標、同教育局攞錢、幾時裝，要一年半載唔出奇，但最緊要係學校肯做。

選舉係唔係都要做，唔會使多咗錢，立法嘅細節、籌備工作等又有成年幾去做。欠嘅就只係要政府講句 Yes, 完全零成本，場運動即散。

是的，政府不是為一人服務，但唔通係為黨服務? 到最後，權力應該係由人民度嚟，定係由黨度嚟?

又係，睇唔睇到呢篇文，聽到幾多入耳，隨緣。

真係要我答?

友人問

這邊廂投訴警察整損你，令你有傷痕，要生要死乜乜乜...嗰邊廂又要警察去捉向你拎雞蛋反對你的暴徒。

口口聲聲說看不明你不喜歡的法庭禁令的同時，又要洋鬼子律師向對你不利的人追究法律責任...

究竟是我太蠢不慬這些玩弄法冶為自己謀福利的招數，還是這些根本不是為這個社會可以接受的思考模式?

有時見到啲 Status 我唔知點答好，就例如噚日見到有藍絲 Page, 將女警同梁同學擺埋一齊，跟住寫著

網民傳來一張相，標題是《天與地》
大家有獨立思考能力，明辨醜惡和美麗的能力

當然，梁同學嗰張相係一張殘相。所謂「明辨醜惡和美麗的能力」，簡單嚟講即係以貌取人，或者你可能有，但獨立思考能力，Like 嘅人一定無囉，因為佢哋無諗過建制派同當權者入面，無邊個可以稱之為美麗，而個美麗嘅女警，就係為緊呢啲醜惡嘅人服務，咁究竟個女警係美麗定醜惡呢?

獨立思考，需要知識，無知識、無事實做基礎嘅獨立思考，係幻想。就例如好多人成日幻想佔領運動有外國勢力咁。

知識嘅嘢，自己搵又得，睇人哋分享嘅文章又得，就响今日，我就學識咗 Weapon Effect, 去解釋前警線警員嘅行為。如果你係藍絲嘅一員，我想問呢60日你學過啲乜嘢?

但既然朋友有問題，我好樂意答:

1. 要投訴警察，係咪就代表唔可以要求警察做事? 警察係授薪，佢要做事係理所當然。如果因為唔喜歡一個人就唔做事，呢個係乜嘢員工? 更何況係警察!
   
   呢條問題就好似有啲人話你犯法在先，所以就抵俾警察打咁。但對唔住，真係犯法在先，一樣會俾法律保障，就算法庭作出裁決被判定有罪，都唔代表你唔受法律保障。警察唔係就係執行法律嘅人咩? 問題中嘅矛盾，可以衍生出一個更大嘅矛盾，咁其實條問題係咪已經問錯咗呢?
   
   當然，入到監獄之後係咪有另一啲潛規則，我未入過去，答你唔到了。
2. 如果我响度寫 IT 嘢，我就算用廣東話寫完，任憑我點寫，都好難會令一般人明得晒當中想講嘅事。更何況係法律文件，法律嘅嘢，普通人識條鐵咩! 唔係就唔使搵律師，個個走去自辯啦!
3. 如果你知乜嘢係法治，就知呢條問題並唔成立。你可以玩弄法律，可以玩弄政治，但法治唔係法律加政治，只係一個慨念，可以歪曲，無得玩弄。問題唔成立,唔想猜度意思，所以等你攪清楚條問題先再答啦吓。

答就答完，聽得幾多入耳就隨緣。

P.S.: 唔知點解好多人以為我寫嘢嗰陣係燥底，但其實寫嘢嘅時候係最平靜嘅時候，燥底嘅時候，永遠表達唔到想講嘅嘢。

好奇的資料搜集

好多時，都會因為一啲事去 Google 吓，今日 Google 嘅係各網政名人嘅私怨。今次搵嘅係林忌 vs. 毓民 vs. 高登 vs. 熱血，全部都係本土派，但係我係知道 somehow 佢哋之間都唔太妥對方 (唔... 除咗毓民同熱血)，但今日佢哋都會為咗個運動互撑，為相同而團結，佢哋做到了。

搵咗幾個鐘，其實都搵唔到乜嘢值得結怨嘅理由，但就搵到啲得意嘅嘢。

例如https://www.facebook.com/Scholarism/posts/350757298377116, 其實當時我對候片無乜感覺，但就被吹到話毓民贊成國民教育，我都真係一頭霧水。不過社運膠三部曲，似乎已經進行緊第三個部份就似係真嘅。

又例如https://www.facebook.com/fokguyhk/posts/713754548649676, 呢個真係開口中，不過汽油彈欠奉，摧淚彈卻出現了。

跟住呢個http://www.jobmarket.com.hk/Resources/industry_trend_details.jsp?article_id=4950, 可能大家已經唔記得，真係有佔領中環呢回事，3年話咁快就過咗去。

或者往事過咗去就係過咗去，甚麼私怨，在大是大非面前，就變得很渺小。「夫以銅為鏡,可以正衣冠，以史為鏡，可以知興替,以人為鏡,可以明得失。」或者有著各人對各人嘅批評，大家先可以進步。

片評

呢個 Weekend 睇咗好多片:

1. 選戰: 大熱劇集，無理由唔睇。劇情唔錯，起碼係合邏輯嘅劇情，只係略嫌畫面太暗。
2. 那夜凌晨，我坐上了旺角開往大埔的红Van: 高登戲，搵片睇嗰陣見到，好奇之下睇睇如何。都 OK 科幻，但當我見到上環太平山街同西環廣豐里嘅時候，笑咗，果然係時空穿梭。
3. The Hunger Games: Mockingjay - Part 1: 其實，呢個  Weekend 有兩套戲想睇，The Hunger Games 同 Interstella. 於是就去咗一間有 IMAX 嘅戲院，過到去再決定睇邊套。去到戲院，揀咗10分鐘，決定睇呢套。比起上一集少咗啲打鬥場面，文戲略嫌多咗啲。
4. 圈套劇場版3: 係圏套嘅最後一個劇場版了，出咗都唔係太知，又係無意間搵到。一貫劇場版格式，驚喜不多，但一看無妨。
5. Spec 劇場版2: 原來 Spec 係有幾部劇場版，之前已經睇咗一部，重有兩部要睇。劇情幾緊湊吓，期待之後嘅發展。
6. 挑戰:  好耐無睇過紀錄片，以前睇嗰啲，好多都係講動物，睇到有少少悶。今次係講溶洞，即係鐘乳洞，似乎可以一看。不過暫時都係講探洞經歷，而唔係直接講洞入面嘅生態，當故仔睇亦係一個唔錯嘅心態。

似乎下個 Weekend 又係唔得閒了，响 Pipeline 入面有 Interstella 同埋一部  Spec 劇場版。已經好幾個禮拜放棄咗動畫，唔使出街都已經好忙。

每日一字 27

今日突然想搵返一句名言嘅英文版本，一開始只係諗起「理想開始」同埋「??結束」，之後就搵到原句「所有偉大的歷史事件，都是作為烏托邦開始，作為現實結束。」出於庫登霍夫‧卡勒吉嘅《泛歐洲》。句子個 Utopia 嘅搜尋結果太多，泛我知道係 Pan-, 但 Pan-乜嘢呢? Pan-Europe? Pan-European? Pan-Europeanism? 都係由人名著手好啲，第一個見到嘅釋名係呢個 Richard·Kudenhoff-Kareski, 完全係掘頭路，搵唔到。

機緣巧合下，錯手將「庫登霍夫‧卡勒吉」變成「登霍夫‧卡勒吉嘅」，加上《泛歐洲》作為 Keyword, 又俾我搵到另一個釋名 Count Coudenhove Kalergi. 加上 Book 字做 Keyword. Google 出現 Amazon 嘅結果，Click 入去一睇，Pan-Europa 大大隻字出現。

有書有人名，將 Utopia 加上 Revolution (因為之前見過有革命嘅釋法), 最祈待嘅畫面出現了: Every great political happening began as a Utopia and ended as a Reality

跟住又有另一個寫法: All great historical ideas started as a utopian dream and ended with reality

邊句都好，分別不大。

再用人名去 Search, 搵到全名係 Richard Nikolaus von Coudenhove-Kalergi, 入去 Wikipedia 一睇，係奧日混血兒。1922年創立泛歐聯盟 (Pan-European Union), 1923年就出版 Pan-Europa 作為文宣，呢句名言，就响呢份文宣嘅前言第一句。

成王敗寇

今次衝擊立法會，係愚蠢嘅做法，唔係講行為上愚蠢，而係策略上愚蠢。

劃清界線? 太陽花運動發生過咩事，我諗大家都已經唔記得
http://www.ntdtv.com/xtr/b5/2014/03/24/a1087766.html

衝就係鬼? 拜托，農曆七月過咗，萬勝節都過埋，邊有咁多鬼。所有地方都係衝出嚟，旺角清咗咁多次場，都係衝返返嚟。只不過次次都夠多人先成功，如果唔係，咪又話旺角高危，唔值得衝，衝嗰啲都係鬼。

算! 大家都係去睇 HKTV, 好快又唔記得呢場運動嘅本質係乜事。

時間
永遠不在我方

攝罌粟

早幾日係和平紀念日，响 Tower of London 外圍，擺放咗一個陶瓷罌粟嘅藝術裝置。成個裝置有近90萬朵花，每一朵罌粟花代表住每一個响一戰入面付出生命嘅英軍。聽聞罌粟花係唯一响戰場上出現嘅花，而且每每都會開响身體冷冰冰嘅軍人附近。


其實過咗星期二嘅紀念日之後，星期三就開始拆，不過拆咗幾日，都重有好多


去睇嘅人都有好多...

 

其實只係三點半左右，但係已經係黃昏


响城堡南側嘅花海


Zoom 埋去睇


另一個角度睇


任務完成，影多兩幅週邊嘅相，打道回府
 

制度

前幾日，睇到呢篇文
嬲爆！電車司機哭訴，竟被斥奴隸！

今日搵返出嚟嘅時候，見到另一篇謬論，先回:

1。歐、美各國發達或不發達民主國家。出糧時，最少4 % 扣去供EI unemployment insurance 失業保險，最少3 % pension 退休金，如非管理層，最少5 % union 工會金; 剩下來最少交35 % 聯邦、省、市稅。而香港，95 % 人冇交以上任何款項，5 % 人內要交標準稅率 (15 %) 不到1%。但攪示威的人整天說納稅人要點要哪！示威的有多少有納過稅？

英國有 2%至12% Nation Insurance, Pension 係 Optional, 香港係 5% Mandatory (大家應該知 MPF 個 M 代表乜), 無 Join 工會我唔知要俾乜工會金，20%至45%累進稅，我加加埋埋大概俾 32% 稅。

以英國工資中位數一年計，大概俾21%


俾咗咁多錢換到啲乜? 重點會擺响呢篇文章嘅最後討論。但係，無論交幾多稅都好，都有權去示威。更何況，全香港市民都交緊一種叫高樓價嘅間接稅!

2。歐州年輕人失業率最少20 %，有些更高。美國也好不了那裹，平均已6.50 %。加拿大今年(一四年) 八月7.0%。香港是 0，只是有機會冇人執，整天不滿。打開報紙，招工廣告三四版，有工無人做。

香港青年失業率為 9.4%, 唔係零囉!

3。香港有 1/3 人住政府公屋，只交市值10 % 的租金(包括差餉、地稅、管理費、垃圾費)，這些人可能一生未交過一分錢稅。其它民主國家極少有這公屋制度，因政府冇錢。

英國可以幫你交9乘嘅租去租私人物業。

4。發達國家、地區中，香港公共交通：地鐵、巴士、電車最平，班次最頻密。

我諗呢個係大城市必備，就算無去到兩三分鐘一班，但五分鐘總有一班巴士或者地鐵，唔好忘記要去嘅地方更遠更廣。

5。香港警察編制(3 萬多) 比民主發達國家人口比例最高，因此，治安最安全。

2011 年倫敦警察廳大概為4萬8人，負責大概7百40萬人口嘅治安。

6。在香港叫救護車免費、保證時間到。歐、美，要收費，冇錢不來。

英國都係免費，所謂時間保證只係服務承諾嘅目標，英國一樣有。

7。大學本土生學費香港最平。

無可口非

8。公立醫院每牀位曰成本$ 3,300.00 以上。香港人只付每日港幣100元，象徵式地防止濫用。民主、人權的歐、美冇錢、冇保險就不要進來。

英國 NHS 所有醫療服務 (除咗牙科) 免費。

9。從未有一個香港人服過兵役兼支付保護國家的軍費，歐、美如不服從兵役令要坐牢。台灣每個男丁也必須要服軍役。

拜托，歐美大部份國家都係募兵制... 有維基有真相

10。民主、人權發達國家除了第一所提的直接 稅，還有各種形式消費息sales tax, PST provincial sales tax, GST goods & services tax, 最少 10 %，通常12 %. 香港都沒有這些稅，在香港的人，可以說是白吃白住。

香港低稅但高樓價，買同租一樣貴，影響所有階層，看不出呢種間接稅說白吃白住的是白癡。

11。社區褔利機構兼顧層面香港最多最方便。

英國一個官方機構可以包辦所有服利，香港就係因為政府乜都唔做先有咁多社福機構。

如民主冇限冇理性吹噓，一般香港人現享有像與生俱來的生活條件就被民粹改變，哪時現生活水平立降。所以我說香港人活得太自在了，是否有自唔在，攞苦嚟辛？

你知道綜援家庭全年的總收入嗎？ 大家試一試去確定答案吧！
2011 年 (以1 個4 人家庭計，2 名大人2 名小童)
基本綜緩金 ： 成人1,890 x 2 =3,780 ； 兒童2,275 x 2 = 4,550 ：共8,330
8,330 x 13 = 108,290 (年底出雙糧)
房租津貼：4 人每月最高額3,545元 2,000 元房租津貼(關愛基金)3,545 x 12 +2,000 = 44,540
免水費約200 x 12 = 2,400
書薄津貼約2,500 x 2 = 5,000
校服津貼約500 x 2 = 1,000
眼鏡津貼約500 x 2 = 1,000
學生船津貼約400 x 2 x 12 = 9,600
1,000 開學津貼 x 2 = 2,000
400 課外活動資助 x 2= 800
1,300 上網津貼
2,000 電費津貼
2,000 元雜費津貼(關愛基金)
3,000 元境外遊學資助(關愛基金)x 2 = 6,000
250元午膳津貼(關愛基金) 250 x 2 x 12 = 6,000
每月2,500 元學前訓練津貼(關愛基金) 2,500 x 2 x 12 = 60,000
食物銀行及免費醫療(未計)
全年總計= 263,930
綜援家庭平均月入 $20,994.16

希望大家廣傳開去，俾啲香港政府官員收 到，關注下做返啲平衡。如果唔係果啲大口議員為買/人心，又話扶貧又話幫乜幫物幫大眾，查實矇閉閉.

請將上述資料轉發出去给所有親戚朋友知 道。等所有香港人都知道才好。
2014年，又加多咗一項！

十八歲後香港免個人入息稅： 全職失業攞綜援，秘撈上街抗議示威!

取自 Uwants...

基本綜緩金 ：
成人1,890 x2 =3780 ； 兒童2,275x2 =4550 ：共 8330:用錯數 1890同2275係單身個綜援額:http://www.swd.gov.hk/doc_sc/social-sec/CSSAG0211c.pdf
8330x13 =108290 (出雙糧)                                      :實際應該係(1645*2+1505*2)*13=81900 (雙糧為一次性措施)
永久市民派6000(其中1 人是新移民) ：共12000:尼個唔係低收入人士獨有,唔應該計
租金津貼 ：
4 人每月最高金額3,545 元
2000 元租金津貼(關愛基金)(一次性措施)
領取條件:申請人為「租置」綜援戶
「租置」綜援戶是指：
(a) 於指定日期已成為「租置」業主達五年或以上；
及
(b) 正在領取綜援的住戶。
#:有幾多綜援戶申請到?
3545 x12 +2000 =44540
免水費 ： 約200 x12 =2400:邊度有資料?我查唔到
書薄津貼 ： 約2500 x2 =5000:尼個唔係低收入人士獨有,唔應該計
http://www.sfaa.gov.hk/tc/schemes/fts.htm
小一至小六:$2,500
中一至中三:$2,834
中四/高中一:$3,012
中五/高中二:$2,544
中六:$2,098
中七:$842
校服津貼 ： 約500 x2 =1000
係 與就學有關的選定項目定額津貼
每名學生每學年可獲發的最高津貼額
幼兒中心（ 0至2歲組／ 2至3歲組）:1 , 275元
幼稚園 （ 幼兒／ 低／高班）:2 , 910元
小學 （ 小一至小六）:2 , 5 6 5 元
初中 （ 中一至中三）:3 , 8 9 5 元
高中（ 中四（ 高中一）至中七／ 工業學院／商科學院）: 3 , 2 8 5 元
眼鏡津貼 ： 約500 x2 =1000:實報實銷,唔會有多俾你
最高金額500元（ 特殊個案可獲較高金額）（ 通常在24個月內，只獲發用以支付一副眼鏡費用的津貼）
學生車船津貼 ： 約400 x2 x12 = 9600:邊有咁多
http://www.sfaa.gov.hk/tc/statistics/travels1.htm
平均津貼額(每學年)
學校$1,308
高等院校$2,446

1000 開學津貼x2 =2000:邊度有資料?我查唔到
如果係同開學有關
上邊 "與就學有關的選定項目定額津貼"包埋
http://www.swd.gov.hk/doc_sc/social-sec/CSSAG0211c.pdf
400 課外活動資助x2=800:邊度有詳細資料? 以我所知係實報實銷,仲要唔係綜援戶獨有
1300 上網津貼:個津貼唔係綜援戶獨有
http://hk.news.yahoo.com/article/100224/4/gq4r.html
綜援家庭
及
合資格領取學生資助的中、小學生
提供上網津貼
2000 電費津貼:個津貼唔係綜援戶獨有
http://www.budget.gov.hk/2011/chi/highlights1.html
向每個電力住宅用戶戶口提供1,800元的電費補貼，惠及約260萬用戶，涉及開支約為47億元。
2000 元雜費津貼(關愛基金):點解我找不到尼個津貼
http://www.hab.gov.hk/file_manager/tc/documents/publications_and_press_releases/20110420_AP.pdf
3000 元境外遊學資助(關愛基金)x2 =6000:攞書薄津貼都可以申請唔係綜援戶獨有
申請條件:經濟有需要的中、小學生
經濟有需要的中、小學生是指：
(a) 領取學生資助辦事處須經入息審查全額和半額資助的學生；
(b) 領取綜合社會保障援助(綜援)的學生；或
(c) 符合學校自訂經濟困難審定條件的學生。
250 元午膳津貼(關愛基金) 250x2 x12 =6000:邊有12個月,人地會放暑期
每月2500 元學前訓練津貼(關愛基金) 2500 x2 x12 = 60000:唔係綜援戶獨有
為正在輪候資助學前康復服務的低收入家庭兒童提供每月2,500 元的學習訓練津貼(項目為期一年)

總結
-唔査楚就咪亂貼
-唔好將綜緩津貼同其他人都有的福利 混埋一齊
-一般綜援戶實際無咁多
-綜援戶實際可以自由運用的錢有幾多?
-妒忌人地津貼多,無份成為綜援戶其中一份子

講返電車 2500 蚊事件，第一，點解有人可以當超時補水係恆常收入? 咁同一個保險經紀奉旨將佣金當做恆常收入無分別。所謂忽然無咗，我認為係個人對財務認知不足嘅問題。

第二，睇完呢段，我真係唔知講乜。除返開，每個仔可以分到 50 蚊一日。我想問，上到中學食乜嘢要食到 50 蚊一日? 讀大學嗰個，如果屋企咁嘅境況，早就識去兼職，食自己喇啩!

中新社香港11月3日電(記者 趙建華)一位53歲的香港電車司機大眾廣庭下數度哽咽地説，「佔中」已讓自己損失2500港元的薪酬，這筆錢原本是兩個分別就讀大學、中學的兒子在學校的飯費。

第三，睇完呢段，條數真係唔係好計得掂。半個月3k, 一個月6k, 而呢筆補水係收入嘅4分1, 即係電車司機一個月有24k?

香港電車職工會署理主席江錦文指出，超時補水約佔電車司機收入的四分一，現時部分路段不通車，出車量下降，導致人手過剩，電車公司不再安排司機加班。這導致司機平均每日損失150元至200元超時津貼，半個多月來損失近3000元收入。

第四，跟住又另一段，究竟一個月幾錢，我已經唔清楚，但係保守估計，補水嘅時薪似乎有50蚊一個鐘。

任職電車司機的林先生是一家4口的經濟支柱，他表示因薪金以時薪計，以往每日工作10小時、包括標準8小時工作及2小時超時工資，月薪可達1.5萬元，但受佔領運動影響，上月不用加時工作，月薪跌至1.2萬元，他悲慟地表示：「無左2000幾人工，我個仔去邊度搵飯食！」

好，一個新聞唔同媒體有唔同寫法，總之就因為無咗兩個鐘 OT  唔見咗2500蚊啦! 一開始話，究竟俾我俾咗嘅稅，可以做到乜? 除咗 NHS 呢個免費醫療服務，對我嚟講真係無乜用。但係，如果上面話香港福利好好，英國有個 entitledto 嘅網站，俾你去㩒吓有乜福利可以攞，於是我就用返4人家庭用 default values 去㩒，結果係咁:


如果想生活得好啲，重可以再俾你計


用最低工資一個禮拜做30個鐘，生活當然唔可以叫富裕，但係已經可以過得好正常，好有尊嚴。香港，做得到嗎?


重未計呢啲


比起每日 OT 兩個鐘去多賺2500蚊飯錢，我諗你會覺得一個禮拜做30個鐘舒服啲㗎呵? 小學嗰陣讀嘅社會科，有一篇講權利同義務，每個人都有交稅嘅義務，要交稅，而交稅就係將財富重新分配。當年梗係死背而唔知當中嘅義意，但係今日嘅我完全明白，唔係我都唔會响英國。

當然，你可能會話個制度養懶人，的確，亦因為咁而吸引到唔少其他歐盟國家嘅移民 (歐盟國家嘅居民搬咗嚟英國之後同樣可以享受對等嘅福利)。但係呢個就關乎到人民嘅決擇，人民覺得好就繼續，唔好就自然會出現輿論，要政府解決，解決唔到就下台。That's why 呢排國會要傾係咪限制歐陸移民，又要籌備脫歐公投。政府向人民負責，係民主制度下嘅結果。

一個不公義嘅制度，令到一個廢除集體談判權嘅工會去幫一個因為無咗 OT 而為兩個仔飯錢發愁嘅爸爸發聲，去鬧一班爭取公義嘅人。合邏輯嗎? 回想返碼頭工人罷工嘅時候，該工會有去為工人爭取過嗎?

社會出現亂子，責任在於政府，不在人民。要退場，應該係政府提出解決方法，俾壓力政府交出解決方案，方案不合理，不實際，就不妥協，唔係剩係叫班留守嘅人退場囉! 所以邊個話要諗退場機制嘅人，先唔講係咪人民嘅敵人，但就一定係 endorse 咗有問題嘅一方。退場根本唔需要機制，人民滿意解決方案就自然會散，運動就自然結束。

羅馬之旅 - 梵蒂岡

夜晚唔係瞓得太好，中途醒咗，掃一掃 Facebook, 瞓唔返。就唯有寫底少少自己嘅心情，之後梳洗食早餐。

好簡單嘅組合，我好鐘意個牛角包，有朱古力做夾心，好甜好滿足。


買咗張全日通嘅飛


其實梵蒂岡離酒店只係幾個車站，响地鐵附近行幾分鐘就到。一到嘅時候，就見到好多人，原本星期日梵蒂岡博物館係唔開嘅，但呢日就免費開放，吸引到唔少人排隊入場。


就响我排隊之際，啲團友唔見晒，咦?! 除咗排緊呢條隊，後面重有人流喎，去邊嘅呢?

原來係聖彼得廣場，彌撒中

全場都係人，彌撒係有一段同身邊嘅人問好，當然要入鄉隨俗

因為廣場入面無遮無檔，又曬又熱，要撤退了


離開咗聖彼得大廣場，去返排隊去博物館，條龍無頭先咁長，唔使十鐘就入到博物館，原來十二點半就會截龍，兩點休館。我就剛剛好十二點半入到。一入到去，就有一條螺旋型嘅樓梯，幾特別，但我都係選擇搭扶手電梯。


上到去第一件展品就係成個梵蒂岡嘅模型


經過一個好大嘅廣場

廣場入面有個大波波


博物館雖然係屬於梵蒂岡，但入面其實好多都唔係同宗教有關，反而文化歷史嘅展品居多

除咗羅馬本身，重有埃及嘅展品

而博物館本身，都已經係一個展品


跟住去小聖堂, 見到呢個牌，本來已經收起晒啲相機，但係入到去，所有人都拎住相機影相 -_-


啲壁話真係好靚


立體感亦好強，有啲重以為係雕刻嚟

當然，叫得小聖堂，地方並唔係太大，不過因為都幾多人，要排隊出入，好好彩哋，排隊出返去嘅時候，見到呢幅名作


離開咗小聖堂，就係一系列彌撒用品 (唔知有幾多係聖物)

兩點鐘，係時候走人，响地下等咗一陣，等埋班團友一齊去食晏


嚟到意大利，識叫一定係叫薄餅


有團友叫咗杯 Lemonade, 杯 Lemonade 無加水，純檸檬汁，最後，我建議佢叫多鑵可樂溝。


好大嘅一份磨菇薄餅，夠兩個人食，差啲想放棄甜品


但甜品係美味嘅雪糕，反正行咗咁耐，應該有 Quota 剩，唔會爆卡


食完晏，返到聖彼得廣場，見到其中一個人像，根據佢嘅姿勢，我名命佢為 Who Fxxking Care~

待衛


排隊入聖彼得大教堂，本來班團友話唔入嚟，但問原路人甲之後，佢話值得入嚟，我就做咗先頭部隊入咗去先。

未入教堂之前，第六感話我知呢度係不得了嘅地方，於是就 Send 咗個 SMS 俾團友，最後，佢哋都跟住入埋嚟。


全景控發作中...


入到教堂，只可以話要當係一個美術品咁去睇，不過可能朝早已經睇得太多太膩，只係影咗幾幅相就走人。

出返去聖彼得廣場等團友


睇嚟我都係鐘意影日落景多啲


都真係等咗班團友一段時間，係咪真係咁多嘢睇呀? Anyway, 人齊走得，臨走嗰陣同太陽伯伯影相 Say Goodbye!


行返去地鐵站嗰陣，見到架超級迷你車。
落到地鐵站，嘩! 可能今朝太多人唔覺，原來啲壁畫都幾靚。


到咗酒店附近嘅車站，有啲黑版任你畫，不過有幾塊俾人整爛咗。


太陽不再，晚霞時刻，呢個車站係大站呢，叫 Termini, 你話夠唔夠大~


出街食晚飯，呢支爉燭台睇嚟都幾歷史悠久


唔... 食乜好呢...


呢個煙肉哈密瓜，唔係我嘅，想像唔到咩味道...


係，對於一個唔食牛唔食羊嘅人嚟講，西餐就只有雞嘅選擇 -_-" 不過話晒羅馬 Style, 一試無妨。


送嘅甜品，檸檬思樂冰一小杯。


呢間餐𢌖都好經典，張單係手寫㗎!


食完返去酒店，時候不早，第二日要早起去 Pompeii, 掃完 fb, 瞓~